მარიამ ბოჭორიძე

დაბადების ადგილი: ქ. თელავი.

1901 წელს, პარტიის დავალებით მუშაობა დაიწყო წითელი ჯვრის საზოგადოებაში, ეხმარებოდა მეტეხისა და ორთაჭალის ციხის პოლიტპატიმრებს. მისი უშუალო მანაწილეობით გაიჭრა მეტეხის ციხის გვირაბი, საიდანაც პოლიტპატიმრებმა გაქცევა მოახერხეს. 1907 წელს მონაწილეობდა ერევნის მოედნიდან სახაზინო ფულის ექსპროპრიაციაში. 1908 წელს ბაქოში, პარტიული ორგანიზაციის დავალებით იოსებ ჯუღაშვილთან და ბუდუ მდივანთან ერთად ფოსტიდან ფულის გასატაცებლად გაიგზავნა. 1909 წელს მონაწილეობდა გორის ხაზინის ქვეშ გვირაბის გაყვანაში, იგი სხვებთან ერთად შეიპყრეს და დააპატიმრეს. 1917-1921წწ. ხაშურში მენშევიკთა წინააღმდეგ არალეგალურ მუშაობას აწარმოებდა; გასაბჭოებიდან 1924 წლამდე ჭიათურაში ქალთა ორგანიზატორად მუშაობდა, იყო კბილის ტექნიკოსი სტომატოლოგიურ კლინიკაში. დაიღუპა ავტოკატასტროფაში. მიხეილ (მიხა) ბოჭორიძის და. რევოლუციონერ-ბოლშევიკი.

წყარო: ქართველ მოღვაწეთა ლექსიკონი, 1801-1952: ტ. I ა-დ / იოსებ იმედაშვილი.-თბ.,2018.-გვ.417