სანდალა გაჩეჩილაძე

დაბადების ადგილი: სოფელი წევა, ზესტაფონის მუნიციპალიტეტი.

1906-1908წწ. მუშაობდა წიგნის მაღაზიაში, სტამბაში; 1909-1911წწ. იყო ქუთაისის თეატრის მსახიობი და რეჟისორის ასისტენტი; 1914-1915წწ. მუშაობდა სახალხო სახლში; 1915-1917წწ. ალექსანდრე წუწუნავასთან ერთად გამოდიოდა ბათუმის, ოზურგეთის, ქუთაისისა და ბახმაროს თეატრებში, 1917-1918წწ. ალექსანდრე იმედაშვილთან ერთად თბილისისა და ქუთაისის სცენებზე მოღვაწეობდა; 1918 წელს, პირველმა დადგა სპექტაკლი "მორევში"; ქართველ მსახიობთა კავშირის დაარსებისთანავე იყო მისი გამგეობის წევრი, შემდეგ თავმჯდომარე; 1919-1920წწ. შალვა დადიანთან ერთად ასრულებდა სხვადასხვა ადმინისტრაციულ მოვალეობას; 1921-1924წწ. იყო შოთა რუსთაველის სახელობის აკადემიურ თეატრში, 1924-1934წწ. სრულიად საქართველოს ხელოვნების მუშაკთა პროფკავშირის ცენტრალურ გამგეობაში იყო კულტურის განყოფილების გამგე, პასუხისმგებელი მდივანი, ოპერისა და ბალეტის სახელმწიფო აკადემიური თეატრის ადგილკომის თავმჯდომარე. 1934 წელს იყო საქართველოს თეატრალური მუზეუმის უფროსი მეცნიერ-თანამშრომელი და სწავლული მდივანი. ქართული თეატრის ისტორიისათვის აგროვებდა მასალებს და წერდა მონოგრაფიებს. თარგმნა შემდეგი პიესები: "ბობოლა", "დოლარები", "ნიშანი ყოფაქცევაში", "პანსიონის ზღუდეთა შორის", "პატარა კოლეტა"(ალექსანდრე იმედაშვილთან ერთად), "პირველი ცხენოსანი", "ქვის მთლელი", "ხიდქვეშ" და სხვ. 1917 წელს ქართველ მსახიობთა კავშირის დაარსებაში დიდი წვლილი შეიტანა. თეატრალური მოღვაწე.

წყარო: ქართველ მოღვაწეთა ლექსიკონი, 1801-1952: ტ. I ა-დ / იოსებ იმედაშვილი.-თბ.,2018.-გვ.516

• საქართველოს ხელოვნების მუშაკთა კავშირი, წევრი (1919-)
• ქართველ მსახიობთა კავშირი, გამგეობის წევრი, თავმჯდომარე