შალვა თოიძე

დაბადების ადგილი: სოფელი გურიანთა, ოზურგეთის მუნიციპალიტეტი.

დაამთავრა თბილისის სახელმწიფო სამედიცინო ინსტიტუტი 1931 წელს.

1941-1945წწ. მოქმედ არმიაში მუშაობდა სამედიცინო სანიტარული ბატალიონის წამყვან ქირურგად; 1954–1987წწ.  განაგებდა ოპერაციული ქირურგიისა და ტოპოგრაფიული ანატომიის კათედრას თბილისის სახელმწიფო სამედიცინო ინსტიტუტში; 1987 წლიდან იყო კონსულტანტი; შეისწავლა შინაგანი ორგანოების მსხვილი სისხლძარღვებისა და სპინალური ნერვების ანატომიური ცვალებადობა, დაამუშავა ღვიძლზე, სუბდიაფრაგმულ სივრცესა და ბადექონის აბგაზე ოპერაციული მიდგომის წესები; ს. ხეჩინაშვილთან და შ. ტყემალაძესთან ერთად შექმნა ხორხის ამოკვეთისას ხახის დეფექტის დახურვის ორიგინალური მეთოდი; მიღებული აქვს სახელმწ. ჯილდოები, საბრძოლო ორდენები და მედლები; ქირურგი, მედიცინის მეცნიერებათა დოქტორი (1950), პროფესორი (1952). 2016 წლის 27 ოქტომბერს, თბილისის სახელმწიფო სამედიცინო უნივერსიტეტის ტოპოგრაფიული ანატომიისა და ოპერაციული ქირურგიის დეპარტამენტში გაიხსნა პროფესორ შალვა თოიძის ბიუსტი.

წყარო: საქართველო: ენციკლოპედია: ტ. IV. -თბ., 2018. -გვ.85; საქართველოს სამედიცინო კალენდარი: ნაწ.I : 2 ნაწილად / ჯუმბერ ქორჩილავა.-თბ.,2010.-გვ.343; თბილისის სახელმწიფო სამედიცინო უნივერსიტეტი / Tbilisi State Medical University's post: facebook.com

• 1967 - საქართველოს მეცნიერებათა დამსახურებული მოღვაწე

• ტოპოგრაფიული ანატომია და ოპერაციული ქირურგია (ავტორი) // წ.5: ზურგის და ხერხემლის, წელის, მენჯისა და შორისის ტოპოგრაფიული ანატომია და ოპერაციული ქირურგია. - თბილისი , კვარი, 1993. - 86გვ.
• ტოპოგრაფიული ანატომია და ოპერაციული ქირურგია (ავტორი) // წ.4: მუცლის ტოპოგრაფიული ანატომია და ოპერაციული ქირურგია. - თბილისი, კვარი, 1993. - 185გვ.
• ტოპოგრაფიული ანატომია და ოპერაციული ქირურგია (ავტორი) // წ.3: გულმკერდის ტოპოგრაფიული ანატომია და ოპერაციული ქირურგია. - თბილისი, კვარი, 1993. - 96გვ.
• ტოპოგრაფიული ანატომია და ოპერაციული ქირურგია (ავტორი) // წ.1: კიდურების ტოპოგრაფიული ანატომია და ოპერაციული ქირურგია. - თბილისი, კვარი, 1993. - 160გვ.
• ტოპოგრაფიული ანატომია და ოპერაციული ქირურგია (ავტორი) // წ.2: თავისა და კისრის ტოპოგრაფიული ანატომია და ოპერაციული ქირურგია. - თბილისი, კვარი, 1993. - 128 გვ.
• ტოპოგრაფიული ანატომია : სახელმძღვ. სამედ. ინ-ტის სტუდენტებისათვის (ავტორი). - თბილისი, განათლება, 1990. - 403გვ.
• ოპერაციული ქირურგია : სახელმძღვ. სამედიცინო ინ-ტის სტუდენტებისათვის (ავტორი). - თბილისი, განათლება, 1983. - 403გვ.