დიმიტრი გელიანიძე

დაბადების ადგილი: ქ. დუშეთი.

1903 წელს ავრცელებდა რსდმპ არალეგალურ ლიტერატურას ქართლის რაიონებში, ხოლო 1904-1905წწ. კახეთში ტიტოს სახელით ეწეოდა რევოლუციურ პროპაგანდას; 1905 წელს სოციალ-ფედერალისტებს მიემხრო და იმავე სახელით (ტიტო); 1910 წლამდე თბილისში ასრულებდა პარტიის ტექნიკურ დავალებებს; 1910 წლის 1 მაისს დაიჭირეს და მეტეხის ციხეში ჩასვეს, 1911 წლის 21 მაისს კავკასიის სამხრეთ-საოლქო სასამართლომ 102-ე მუხლით ციმბირში გადასახლება მიუსაჯა. სასჯელს იხდიდა პინჩუგის თემში, ენისეის გუბერნიაში. იყო პოლიტკატორღელთა საზოგადოების წევრი №2337. რევოლუციონერი.

წყარო: ქართველ მოღვაწეთა ლექსიკონი, 1801-1952: ტ. I ა-დ / იოსებ იმედაშვილი.-თბ.,2018.-გვ.558