
	English Georgian

The Biographical Dictionary of Georgia covers biographies of people who belong to history of Georgia, who are linked with Georgia, lived in or beyond it.

The dictionary is supported by the National Library of Georgia.

The project aims at publishing the biographies of outstanding Georgians. We hope that whole Georgia will be involved in filling this unique dictionary.

Follow on Facebook

Suggest a Biography

Correction

ილია აფხაზავა

Date of birth:	15 October, 1922
Date of death:	22 March, 1994 (at 71 years)
Category:	Geographer, Scientist, Educator

Biography

დაბადების ადგილი: სოფელი ნიგვზიანი, ლანჩხუთის რაიონი.

1938 წელს ჩაირიცხა თბილისის სახელმწიფო უნივერსიტეტის გეოგრაფია-გეოლოგიის ფაკულტეტზე ჰიდროლოგია-კლიმატოლოგიის სპეციალობით. 1941-1947წწ. იმყოფებოდა საბჭოთა არმიის რიგებში. 1950 წელს დაამთავრა თბილისის სახელმწიფო უნივერსიტეტი. 1950-1953წწ. გაიარა ასპირანტურის კურსი ფიზიკური ქვეყანათმცოდნეობის კათედრაზე.

1953-1956წწ. მუშაობდა გეოგრაფია-გეოლოგიის ფაკულტეტის დეკანის მოადგილედ, 1954-1957წწ. კი ჰიდროლოგია-კლიმატოლოგიის კათედრაზე; 1957 წლიდან მუშობდა ვახუშტის სახელობის გეოგრაფიის ინსტიტუტში. მის საკანდიდატო დისერტაციაში გაშუქებულია მდ. არაგვის აუზის გეოლოგიური აგებულების, რელიეფის, ჰავის, ჰიდროლოგიური ობიექტების, მცენარეული საფარის, ცხოველთა სამყაროს, ნიადაგების საკმაოდ დეტალური დახასიათება. შესრულებული აქვს 90-ზე მეტი სამეცნიერო ნაშრომი, რომელთაგან 66 გამოქვეყნებულია. ნაშრომებში გაშუქებულია ჰიდროლოგიური, ფიზიკურ-გეოგრაფიული და გეომორფოლოგიური საკითხები. აგრეთვე, პალიასტომის ტბის ეკოლოგიური წონასწორობის აღდგენის ღონისძიებები, კოლხეთის დაჭაობებული დაბლობის ჰიდროგრაფიული თავისებურებანი, საქართველოს ტბების სამეურნეო მნიშვნელობისა და მათი გამოყენების პერსპექტივაზე. ჩაატარა ჩრდილო კავკასიის ტბების ლიმნოლოგიური გამოკვლევები. ეწეოდა აგრეთვე პედაგოგიურ მოღვაწეობას თბილისის სახელმწიფო უნივერსიტეტში, სულხან-საბა ორბელიანის სახ. სახელმწიფო პედაგოგიურ ინსტიტუტში. კითხულობდა ლექციებს ფიზიკურ გეოგრაფიასა და ზოგად ჰიდროლოგიაში. გეოგრაფიულ მეცნიერებათა კანდიდატი, დოცენტი.

საკანდიდატო დისერტაციის თემა - "მდ. არაგვის აუზის ფიზიკურ-გეოგრაფიული დახასიათება", დაიცვა 1964 წელს.

წყარო: ქართველი მოგზაურები, გეოგრაფები, ბუნების მკვლევარნი: ენციკლოპედიური ცნობარი.-თბ., 2003. -გვ.28-29

Bibliography

საქართველოს ტბები (Author) // ნადირობა. N8. - თბილისი, 2010. - გვ.34-37
პალიასტომი : კოლხეთის დაბლობზე, ქ. ფოთთან მდებარე ტბა (Author) // ისტორია და გეოგრაფია სკოლაში. N1 . - თბილისი, 1983. - გვ.89-92
ტბები-ჩვენი ბუნების მშვენება (Author). - თბილისი, საბჭ. საქართველო, 1969. - 109გვ.