სანდრო გვალია

დაბადების ადგილი: ქ. თბილისი.

1933-1934 წწ. მუშაობდა ყაზბეგის მეტეოროლოგიურ სადგურში. 1937 წელს, შოთა რუსთაველის იუბილესთან დაკავშირებით, ალპინისტ რამინ კვიციანთან და სხვა ალპინისტებთან ერთად ავიდა კავკასიონის ერთ-ერთი ცენტრალური ქედის დაუპყრობელ, ყინულოვან მწვერვალზე-ბენზეგის კლდეზე, შხარასა და ჯანღას შორის. მწვერვალს ალპინისტებმა "შოთა რუსთაველი" უწოდეს. ალექსანდრე გვალიას დიდი  წვლილი მიუძღვის საქართველოში ალპინიზმისა და სამთო-სათხილამურო სპორტის განვითარებაში. ხელმძღვანელობდა პირველ ასვლებს: ბანგურიანზე (1930), მთავარ შხარაზე, ვახუშტის მწვერვალზე (1933), რუსთაველის პიკზე (1937) და სხვ.; 1930-1940 წწ. მოაწყო მასობრივი ალპინიადები და სამთო-სათხილამურო ლაშქრობები კავკასიონის მთებში, სვანეთსა და რაჭაში. მეორე მსოფლიო ომის მონაწილე. 1948 წლიდან იყო საკავშირო კატეგორიის მსაჯი. სპორტული კლუბების - "ნაუკა" და "სპარტაკი" წევრი, ალპინისტი. სამთო მოთხილამურე.

წყარო: ქართველ მოღვაწეთა ლექსიკონი, 1801-1952: ტ. I ა-დ / იოსებ იმედაშვილი.-თბ.,2018.-გვ.573

• 1949 - სპორტის ოსტატი
• 1948 - საერთაშორისო კატეგორიის მსაჯი
• 1943 - წითელი ვარსკვლავის ორდენი
• 1934 - საბჭოთა კავშირის სპორტის ოსტატი ალპინიზმში
• საქართველოს დამსახურებული მწვრთნელი

• მთა შოდა და მის წვერზე მეორეთ ასვლა : საქართველოს პროლეტარული ტურიზმისა და ექსკურსიათა... 1932 წლის შემოდგომის მთასვლური ექსპედიციის მასალებიდან.... (ავტორი). - ტფილისი, 1932