კონსტანტინე თუმანოვი

დაბადების ადგილი: ქ. კანი, საფრანგეთი.

დაამთავრა ნიკოლოზის საკავალერიო სასწავლებელი  1883 წელს (სანქტ-პეტერბურგი).

1904-1905წწ. მონაწილეობდა რუსეთ-იაპონიის და 1914-1918წწ. I მსოფლიო ომებში; 1908 წლიდან მეთაურობდა ლიტვის ულანთა მე-5 პოლკს; 1912 წლიდან  კავკასიის მე-9 საკავალერიო დივიზიის I ბრიგადას, იმავე წელს მიენიჭა გენერალ-მაიორის წოდება; 1916 წლიდან ხელმძღვანელობდა ამურისპირეთის I ცხენოსანთა ბრიგადას; 1917 წლის მარტში გადაიყვანეს სამხრეთ-დასავლეთ ფრონტის არმიების მთავარსარდლის გენერალ ა. ბრუსილოვის განკარგულებაში, ამავე წლის აპრილიდან დანიშნეს მე-9 საკავალერიო დივიზიის მეთაურად; 1918 წლიდან ემიგრაციაში წავიდა საფრანგეთში. მონაწილეობდა სამხედრო მოსამსახურეთა რუსეთის საზოგადოების საქმიანობაში; 1930-1931წწ. თავმჯდომარეობდა ამ საზოგადოების კავკასიის არმიის ოფიცერთა კავშირს. დაჯილდოებულია ოქროს იარაღით წარწერით "მამაცობისთვის" (1906). რუსეთის არმიის გენერალ-ლეიტენანტი (1917).

წყარო: საქართველო: ენციკლოპედია: ტ. IV. -თბ., 2018. -გვ.123

• 1917 - წმინდა გიორგის IV ხარისხის ორდენი
• 1915 - წმინდა ვლადიმირის II ხარისხის ორდენი (ხმლებით)
• 1915 - წმინდა ვლადიმირის III ხარისხის ორდენი
• 1915 - წმინდა ანას I ხარისხის ორდენი (ხმლებით)
• 1915 - წმინდა სტანისლავის I ხარისხის ორდენი (ხმლემით)
• 1905 - წმინდა ვლადიმირის IV ხარისხის ორდენი (ხმლებითა და ბაფთით)
• 1904 - წმინდა ანას II ხარისხის ორდენი (ხმლებით)
• 1889 - წმინდა სტანისლავის III ხარისხის ორდენი