გოგლო ყაზახაშვილი

ქართული პრესის თანამშრომელი, ლექსებს ბეჭდავდა "ივერიაში", "ცნობის ფურცელში" და სხვა. პეტერბურგში სწავლისას დაახლოებული იყო ივანე ჯავახიშვილთან, და სხვებთან; მონაწილეობდა ქართველ სტუდენტთა სათვისტომოს კულტურულ საქმიანობაში; გაზეთ "ივერიის" 1893 წლის №85 დაიბეჭდა მისი "ლექსი ნ. ბარათაშვილზედ". გამოქვეყნებული აქვს ლექსები: "უდროოდ დამიქრა ვარსკვლავი", "სურათი", "სიმღერა", "ფანტურს", "ალექსამდრე ყაზ(ი)ბეგს", "მგონი აჩრდილი იყო" (ლექსი პროზად). ასწავლიდა ქართულ ენასა და ლიტერატურას.

წყარო: ქართველ მოღვაწეთა ლექსიკონი, 1801-1952: ტ. I ა-დ / იოსებ იმედაშვილი.-თბ.,2018.-გვ.644; ქართველი პოეტები : ენციკლოპედია / შეადგინა ალექსანდრე ელერდაშვილმა.- თბ.,2021.- გვ.92