ჯემალ გაბაიძე

დაბადების ადგილი: სოფელი ხიხაძირი, ხულოს რაიონი.

დაამთავრა ბათუმის სახელმწიფო პედაგოგიური ინსტიტუტი გეოგრაფიის სპეციალობით.

1970 წლიდან მსახურობდა საბჭოთა არმიის რიგებში. არმიიდან დემობილიზაციის შემდეგ მუშაობას იწყებს სოფ. ფუშრუკაულის (ხულოს რ-ნი) არასრულ საშუალო სკოლაში გეოგრაფიის მასწავლებლად. 1978 წლიდან მუშაობს ბათუმის სახელმწიფო პედაგოგიურ ინსტიტუტში (ახლანდ. უნივერსიტეტში) გეოგრაფიის კათედრის ლაბორანტად; 1980 წლიდან კათედრის მასწავლებლად; 1992-1993წწ. ასრულებდა გეოგრაფიის კათედრის გამგის მოვალეობას; 1982-1986წწ. იყო ვახუშტი ბაგრატიონის სახელობის გეოგრაფიის ინსტიტუტის ეკონომიკური და სოციალური გეოგრაფიის განყოფილების მაძიებელი პროფ. რ. კვერენჩხილაძის ხელმძღვანელობით. მუშაობდა თემაზე - "აჭარის ავტონომიური რესპუბლიკის ტრანსპორტი და კავშირგაბმულობა". გამოქვეყნებული აქვს 10-ზე მეტი სამეცნიერო ნაშრომი. მონაწილეობს სამეცნიერო კონფერენციების მუშაობაში. კითხულობს ლექციებს ტოპოგრაფია-კარტოგრაფიაში, საქართველოს ეკონომიკურ და სოციალურ გეოგრაფიაში და სხვ. უფროსი მასწავლებელი.

წყარო: ქართველი მოგზაურები, გეოგრაფები, ბუნების მკვლევარნი: ენციკლოპედიური ცნობარი.-თბ., 2003. -გვ.52