ვალერიან გოგნიაშვილი

დაბადების ადგილი: სოფელი ხაშმი, საგარეჯოს რაიონი.

დაამთავრა თბილისის სასწავლებელი 1926 წელს. 1927 წელს შევიდა თბილისის სახელმწიფო უნივერსიტეტის მეცხოველეობის ფაკულტეტზე, რომელიც 1929 წელს გამოეყო თბილისის სახელმწიფო უნივერსიტეტს და შეუერთდა სასოფლო-სამეურნეო ინსტიტუტს. აღნიშნული ფაკულტეტის დამთავრების შემდეგ, 1931 წელს სწავლობდა სასოფლო-სამეურნეო ინსტიტუტის ასპირანტურაში. 1931-1933წწ. სამეცნიერო-კვლევით მუშაობას აწარმოებდა ა/კ მეცხოველეობა-მესაქონლეობის სამეცნიერო-კვლევით ინსტიტუტში. 1936-1937წწ. უდაბნოს მეცხვარეობის საბჭოთა მეურნეობაში უფროს სპეციალისტად ყოფნის დროს მუშაობას ეწეოდა ჯიშიანი ცხვრის მოშენების საკითხებზე. სამეცნიერო-კვლევით სამუშაოებში სხვადასხვა მიღწევებისათვის მიღებული ჰქონდა ჯილდოები.

წყარო: ქართველ მოღვაწეთა ლექსიკონი, 1801-1952: ტ. I ა-დ / იოსებ იმედაშვილი.-თბ.,2018.-გვ.644

• განვავითაროთ მეცხვარეობა (ავტორი). - ტფილისი, სახელგამი, 1935. - 106გვ.
• მეწველი საქონლის მოვლა და კვება კოლმეურნეობებში (ავტორი). - ტფილისი, სახელგამი, 1932. - 32გვ
• საქონლის საკვების მომარაგება და მოხმარება (ავტორი). - ტფილისი, სახელგამი, 1932. - 32გვ.