რაულ თურმანიძე

დაბადების ადგილი: ქ. ზესტაფონი.

დაამთავრა საქართველოს პოლიტექნიკური ინსტიტუტის მანქანათმშენებლობის ფაკულტეტი 1972 წელს.

მუშაობდა საქართველოს პოლიტექნიკური ინსტიტუტში მანქანათმშენებლობის ტექნოლოგიის კათედრაზე; 1996 წლიდან იყო ამავე კათედრის გამგე; 1996-2004წწ. პრორექტორი სამეცნიერო დარგში; 2011 წლიდან ხელმძღვანელობს მანქანათმშენებლობის ტექნოლოგიურ მიმართულებას; მისი სამეცნიერული კვლევის მიმართულებაა მიკროიარაღების ახალი კონსტრუქციების შექმნა, სალი შენადნობებისაგან პრეციზიული ბურღების, ფრეზებისა და სპეც. დანიშნულების მიკროიარაღების დამზადების ტექნოლოგიის პროცესები. დაამუშავა საჰაერო ხრახნების ახალი კონსტრუქციები, რომლებიც საშუალებას იძლევა ექსპლუატაციის პროცესში შეიცვალოს ხრახნის გეომეტრია. ხელმძღვანელობდა ადამიანის მენჯ-ბარძაყის სახსრისათვის საჭირო იმპლანტანტების სფერული ზედაპირის მიღების პროექტს და ოპტიმალური წყვილების შერჩევის ახალი ტექნოლოგიური პროცესის დანერგვას. მიღებული აქვს 32 პატენტი და საავტორო მოწმობა; გამოქვეყნებული აქვს მრავალი სამეცნიერო ნაშრომი: სამი მონოგრაფია, შვიდი სახელმძღვანელო. დაჯილდოებულია სახელმწიფო ჯილდოებით. ინჟინერმექანიკოსი, ტექნიკურ მეცნიერებათა დოქტორი (1991), პროფესორი (1993).

წყარო: საქართველო: ენციკლოპედია: ტ. IV. -თბ., 2018. -გვ.128; წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.93

• საქართველოს საინჟინრო აკადემია, წევრი (1996-)

• 2003 - ღირსების ორდენი
• 1998 - ღირსების მედალი
  ქართული ტექნიკური მეცნიერების განვითარებისა და საინჟინრო კადრების აღზრდის საქმეში შეტანილი თვალსაჩინო პირადი წვლილისათვის

• ღერძული იარაღის გაანგარიშება და კონსტრუირება : მითითებანი პრაქტ. და საკურსო სამუშაოებისათვის (თანაავტორი). - თბილისი, საქ. პოლიტექნ. ინ-ტი, 2012. - 24გვ.. - ISBN: 978-9941-20-143-1
• სავარჯიშოებისა და ამოცანების კრებული მასალების ჭრით დამუშავებაში : დამხმ. სახელმძღვ. სტუდ. (თანაავტორი) // ნაწ.1 : სახარატო და ღერძული დამუშავება. - თბილისი, ტექნ.უნ-ტი, 2006. - 79გვ.. - ISBN: 99940-56-62-X
• Воздушные винты изменяемой геометрии (თანაავტორი). - Тбилиси, ТГУ, 2003. - 164с.
• მანქანათმშენებლობის ტექნოლოგია : ზოგიერთი თეორიული საკითხი (თანაავტორი). - თბილისი, ტექნ. უნ-ტი, 2002. - 93გვ.