გიორგი თუშმალიშვილი

დაბადების ადგილი: სოფელი წინანდალი, თელავის რაიონი.

დაამთავრა საქართველოს სასოფლო სამეურნეო ინსტიტუტის ტექნოლოგიური ფაკულტეტი ინჟინერ-ტექნოლოგის კვალიფიკაციით 1933 წელს.

1943-1945წწ. იყო ყულარის (მარნეული) ღვინის ქარხანაში უფროს მეღვინე; 1945-1951წწ. მასანდრის ღვინის ქარხანა (ყირიმი), მთავარი სპეციალისტი; 1951-1961წწ. სამტრესტის საწარმოო განყოფილების მეღვინე, უფროსი მეღვინე, განყოფილების უფროსი; 1961-1965წწ. თბილისის შამპანური ღვინოების ქარხნის დირექტორი; 1965-1974წწ. სამტრესტის მთავარი მეღვინე, მმართველი; 1975-1980წწ. მებაღეობა-მეღვინეობის სამეცნიერო კვლევით ინსტიტუტის მეღვინეობის განყოფილების უფროსი; 1980-1982წწ. საგარეჯოს საექსპორტო ღვინოების ქარხნის დირექტორი; წლების განმავლობაში იყო სამტრესტის მთავარი მრჩეველ-კონსულტანტი. მრავალჯერ იყო მიწვეული საერთაშორისო დეგუსტაციებსა და კონკურსებზე ჟიურის წევრად. ის უშუალოდ ხელმძღვანელობდა საქართველოში ახალი ღვინის ქარხნების მშენებლობას. მონაწილეობდა ახალი სამარკო ღვინოებისა და კონიაკების ნაირსახეობების შექმნაში. მიღებული აქვს სახელმწიფო ჯილდოები. მეღვინე.

წყარო: საქართველო: ენციკლოპედია: ტ. IV. -თბ., 2018. -გვ.141; გახსენება: საქართველოს მეღვინეობა-სამტრესტი, მისი ხელმძღვანელები, გარდაცვლილი სპეციალისტები/ ალექსანდრე ქურდაძე.-თბ.,1999. - გვ.41-42

• საკავშირო სადეგუსტაციო კომისია, წევრი (1956-)
• საქართველოს კვების მრეწველობის სამინისტროს კოლეგია, წევრი (1967-1974)

• შრომის წითელი დროშის ორდენი
• სსრკ სახალხო მეურნეობის მიღწევათა გამოფენა (ВДНХ) (2 ოქროს მედალი)
• საკავშირო უმაღლესი კატეგორიის მეღვინე
• საქართველოს დამსახურებული მეღვინე