ნარგიზა გამცემლიძე

დაბადების ადგილი: სოფელი ზარანი, ხარაგაულის რაიონი.

დაამთავრა თბილისის ტოპოგრაფიული ტექნიკუმი 1957 წელს; თბილის სახელმწიფო პედაგოგიური ინსტიტუტი გეოგრაფიის მასწავლებლის სპეციალობით 1966 წელს.

1957-1959წწ. მუშაობდა შინაგან საქმეთა სამინისტროს გეოდეზიისა და კარტოგრაფიის სამმართველოში; 1959-1995წწ. ვახუშტი ბაგრატიონის სახელობის გეოგრაფიის ინსტიტუტის კარტოგრაფიულ განყოფილებაში ჯერ ინჟინერ-კარტოგრაფის თნამდებობაზე, 1971 წლიდან უფროსი ინჟინერია, 1982 წლიდან უმცროსი მეცნიერი თანამშრომელი, ხოლო 1990 წლიდან მეცნიერი თანამშრომელი. გამოქვეყნებული აქვს 10-მდე სამეცნიერო ნაშრომი, რომლებიც ძირითადად რეტროსპექტულ კარტოგრაფირებას შეეხება. კერძოდ, ვახუშტი ბაგრატიონის შრომების მიხედვით აღდგენილია წარსულის სურათი მინერალური წყლებისა და წიაღისეული სიმდიდრეებისა რეტროსპექტული კარტოგრაფირების მეთოდით. დიდი მუშაობა ჩაატარა ვახუშტი ბაგრატიონის ატლასების გმოსაცემი ვარიანტის მომზადებაში. კარტოგრაფი.

წყარო: ქართველი მოგზაურები, გეოგრაფები, ბუნების მკვლევარნი: ენციკლოპედიური ცნობარი.-თბ., 2003. -გვ.59