მამუკა თალაკვაძე

დაბადების ადგილი: ქ. ბათუმი.

დაამთავრა ბათუმის საზღვაოსნო სასწავლებლის გემთწამყვანობის ფაკულტეტი 1988 წელს; 1989 წელს სწავლა განაგრძო ნოვოროსიისკის უმაღლეს საზღვაო საინჟინრო სასწავლებელში; მოგვიანებით კი 2002 წელს  დაასრულა ბათუმის სახელმწიფო საზღვაო აკადემიის სრული კურსი. 

1988 წლიდან იგი შორეული ნაოსნობის კაპიტნის თანაშემწედ საქმიანობდა საქართველოს საზღვაო სანაოსნოს არაერთ გემზე; 1994 წლიდან კი უკვე გამოცდილი შტურმანი ერთობლივი სანაოსნო კომპანია "ANGLO-GEORGIAN SHIPPING"-ისა (1994-1999) და "COLUMBIA SHIPMANAGEMENT"-ის (1999-2005) ტანკერებზე ცურავდა რა დროსაც შორეული ნაოსნობის კაპიტნის უფროსი თანაშემწე გახდა(2001); 2005-2010 წწ. საქმიანობას დროებით ნაპირზე განაგრძობს - ბათუმის ნავსადგურის ნავთობტერმინალის გარემოს უსაფრთხოების მენეჯერად, 2010 წელს კი იგი კვლავ ზღვაში ბრუნდება, კომპანია "COLUMBIA SHIPMANAGEMENT"-ის გემებზე, მალე შორეული ნაოსნობის კაპიტანი ხდება და არაბთა გაერთიანებული საემიროების სანაოსნო კომპანია "ADNATCO"-ში (2010-2011) მოუწია საქმიანობა; 2011- 2013 წწ. საჯარო სამსახურში, საქართველოს საზღვაო ტრანსპორტის სააგენტოში განაგრძობს, სადაც სააგენტოს უფროსის მოადგილის მოვალეობებს ასრულებს; 2013 წლიდან კი იგი მშობლიური ბათუმის პორტის სალოცმანო სამსახურში საქმიანობს და მისი მეთაურობის ქვეშ მყოფი სწრაფმავალი სალოცმანო კატარღა "BATUMI  1"-ით ბათუმის აქუატორიასა და ნავსადგურში გემების უსაფრთხო გადაადგილებას უზრუნველყოფს. შორეული ნაოსნობის კაპიტანი.

წყარო: პაატა ტაბაღუას საავტორო გვერდი: "საქართველო საზღვაო ქვეყანაა": facebook.com