რევაზ გიგილაშვილი

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის გეოგრაფია-გეოლოგიის ფაკულტეტი საზღვარგარეთის ქვეყნების ეკონომიკური და სოციალური გეოგრაფიის სპეციალობით 1979 წელს.

1979-1980წწ. სტაჟირება გაიარა ქ. რაბატის (მაროკო) უნივერსიტეტში. 1980-1990წწ. მუშობდა საქართველოს სახელმწიფო საგეგმო კომიტეტთან არსებული სახალხო მეურნეობის ეკონომიკის, დაგეგმვისა და მართვის სამეცნიერო-კვლევით ინსტიტუტში უმცროს, შემდეგ უფროს მეცნიერ თანამშრომლად. 1987-1991წწ. ლექციებს კითხულობდა თბილისის სახელმწიფო უნივერსიტეტის მრეწველობის ეკონომიკის კათედრაზე. 1991-1994წწ. მუშაობდა ქ. მოსკოვში, ჯერ შპს "აერობანკის" დირექტორად, შემდეგ დიდი ბრიტანეთის ფირმის - European Trade Technology Lta-ს წარმომადგენლად რუსეთში. 1995-1999წწ. მუშაობდა სახელმწიფო კანცელარიის საგარეო პოლიტიკის ანალიზის სამსახურში სახელმწიფო მრჩევლად, ხოლო 1999 წლიდან მუშაობს საქართველოს ფინანსთა სამინისტროს საერთაშორისო ურთიერთობის დეპარტამენტის უფროსად. გაიარა კვალიფიკაციის ამაღლება - 1995 წელს აშშ-ს განვითარების სააგენტოს პროგრამა: "აშშ-ს ეკონომიკა მსოფლიო ეკონომიკის სისტემაში" - ვაშინგტონი (აშშ). 1997 წელს ფულბრაიტის პროგრამის ფარგლებში, მიწვეულ იქნა ჯ. ვაშინგტონის უნივერსიტეტის (ქ. ვაშინგტონი, აშშ) საერთაშორისო ბიზნესის დეპარტამენტში. 1999 წელს სასწავლო პროგრამა: "საფინანსო მომსახურების მარკეტინგი", კაიროში (ეგვიპტე). 1982-1984წწ. სწავლობდა საბჭოთა კავშირის სახელმწიფო საგეგმო კომიტეტთან არსებულ საწარმოო ძალთა შემსწავლელი საბჭოს ასპირანტურაში (ქ. მოსკოვი). გამოქვეყნებული აქვს 30-მდე სამეცნიერო ნაშრომი და 12 პუბლიცისტური წერილი. ეკონომიკურ მეცნიერებათა კანდიდატი.

საკანდიდატო დისერტაცის თემა - "საქართველოს მრეწველობის დარგობრივი და რეგიონალური სტურქტურის ოპტიმიზაციის საკითხები", დაიცვა 1984 წელს.

წყარო: ქართველი მოგზაურები, გეოგრაფები, ბუნების მკვლევარნი: ენციკლოპედიური ცნობარი.-თბ., 2003. -გვ.75-76