სეით იაშვილი

დაბადების ადგილი: სოფელი არგვეთი, ახლანდელი საჩხერის მუნიციპა­ლიტეტი.

დაამთავრა ოდესის სა­ხელმწიფო უნივერსიტეტტის საბუნებისმეტყვე­ლო ფაკულტეტი 1902 წელს.

უკრაინიდან სამშობლოში დაბრუნების შემდეგ თბილისის ქართულ გიმნაზიაში ასწავლიდა ბუნებისმეტყველებასა და გეოგრაფიას; გიმნაზიაში პედაგოგიურ საქმიანობასთან ერთად მუ­შა­ობ­და საშუალო სკოლებისათვის საბუნებისმეტყველო პროფილის სა­ხელმ­ძღვანე­ლო­ების შედგენაზე; იგი ავტორია ბუნებისმეტყვე­ლებისა და გეოგრაფიის პირველი ქართული სა­ხელმ­ძღვანე­ლო­ებისა: "ბუ­ნებისმე­ტყველება" (ჰაერი, წყალი და დე­დამიწა, 1915); "ბოტანიკა"(1926); "საზოგადო გეოგრაფია"(აზია, აფრიკა, ამერიკა და ავსტრალია, 1916); "ევროპა"(1918). 1922–1930წწ. დაიბეჭდა მის მიერ გა­დამუშავებული და შესწორებული "ბუნებისმეტყველება", გეოგრაფიის სა­ხელმ­ძღვა­ნელოები – ­"ევროპა, ჩრდ. ამერიკის შტატები და იაპონია", "სასოფლო მეურნეობის ქვეყნები", "მსოფლიოს მოკლე გეოგრაფია", "საბჭოთა კავ­ში­რის მოკლე გეოგრაფია", "დაწყებითი გეოგრაფია" და "კაპიტალისტური ქვეყნების გეოგრაფია". ზემოთ დასახელებული ყველა სა­ხელმ­ძღვა­ნე­ლო მიღებული და გამოყე­ნებული იყო ჩვენი ქვეყნის არა­სრულ და სრულ საშუალო სკოლებში 1935 წლამდე. ამავე პერიოდში მის მიერ ქართულ ენაზე ითარგმნა, ა. ბარკოვისა და ა. პოლოვინკინის "ფიზიკური გეოგრაფია" (1935), ჩ. დარვინის «ბუნებისმეტყველის მოგზაურობა დედამიწის გარშემო გემ "ბიგლით"» (1951) და სხვა.

წყარო: საქართველო: ენციკლოპედია: ტ. IV. -თბ., 2018. -გვ.178

• ქართველთა შორის წერა-კითხვის გამავრცელებელი საზოგადოება, ნამდვილი წევრი (1899-)

• 1932 - შრომის გმირი

• დაწყებითი გეოგრაფია : სახელმძღვანელო საქ.-საფ. შვიდწლედების V ჯგუფისა და კოლმ. ახალ. სკოლების I ჯგუფისათვის (ავტორი). - ტიფლისი, სახელგამი-სასწავლო-პედაგოგიური სექტორის გა-მა, 1932. - 131გვ.
• კაპიტალისტური ქვეყნების გეოგრაფია : სამუშაო წიგნი : სახელმძღვ. საფაბრიკო საქარხნო შვიდწლედებისა და კოლმეურნეობის ახალგაზრდობის სკოლების მე-VII ჯგუფისათვის (ავტორი). - ტფილისი, სახელგამის გა-მა, 1931. - 214გვ.
• მსოფლიოს მოკლე გეოგრაფია : ევროპა, აზია, აფრიკა, ამერიკა, ავსტრალია). სახელმძღვანელო შრომის სკოლის მე-VII ჯგუფისათვის (ავტორი). - ტფილისი, სახელგამი, 1929. - 258გვ.