მერაბ გონგაძე

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის გეოგრაფია-გეოლოგიის ფაკულტეტი გეომორფოლოგიის სპეციალობით 1974 წელს.

მუშაობა დაიწყო ვახუშტი ბაგრატიონის სახელობის გეოგრაფიის ინსტიტუტში, პარალელურად მუშაობს სოხუმის სახელმწიფო უნივერსიტეტში. მის დისერტაციაში მოცემულია ადამიანის ზეგავლენის სხვადასხვა სახეების შედეგები, რელიეფის ანთროპოგენური ფორმებისა და გარდამქმნელი პროცესების კლასიფიკაცია და მათი კარტირების პრობლემები. გამოქვეყნებული აქვს 20-ზე მეტი სამეცნიერო ნაშრომი, რომლებიც შეეხება ანთროპოგენურ რელიეფს, ასევე ადამიანისა და ბუნების ურთიერთობის სხვა აქტუალურ საკითხებს. გამოყენებულია მოცულობითი მეთოდით მათემატიკური შეფასება ლითოსფეროში ბუნებრივად და ანთროპოგენურად გადაადგილებული არაორგანული მასების შედარებები. წლების განმავლობაში იყო ინსტიტუტის სამეცნიერო სემინარიის სწავლული მდივანი. სოხუმის სახელმწიფო უნივერსიტეტის ასოცირებული პროფესორი.

საკანდიდატო დისერტაციის თემა - "რელიეფის ანთროპოგენური გარდაქმნები საქართველოში", დაიცვა 1986 წელს (ბაქო).

წყარო: ქართველი მოგზაურები, გეოგრაფები, ბუნების მკვლევარნი: ენციკლოპედიური ცნობარი.-თბ., 2003. -გვ.88

• კარსტულ-სპელეოლოგიური ტერმინების განმარტებითი ლექსიკონი (თანაავტორი). - თბილისი, თბილისის უნივერსიტეტის გამომცემლობა, 2019. - 246გვ.. - ISBN: 9789941137990
• გეოგრაფია გლობალურ კონტექსტში: მიღწევები და გამოწვევები (თანაავტორი). - ქუთაისი, აკაკი წერეთლის სახელმწ. უნ-ტის გამ-ბა, 2017. - 490 გვ.. - ISBN: 9789941904325
• გეოგრაფიის შესავალი (ავტორი). - თბილისი, სოხუმის სახელმწ. უნ-ტი, 2012. - 168გვ.
• საყმაწვილო ენციკლოპედია (ავტორი) // წ. 9: საქართველოს ბუნებრივი საოცრებები. - თბილისი, დილა, 2008. - 128გვ.. - ISBN: 99940-814-0-3