გიორგი გოცირიძე

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის გეოგრაფია-გეოლოგიის ფაკულტეტი გეომორფოლოგია-გეოეკოლოგიის სპეციალობით.

1991 წლიდან მუშობდა თბილისის სახელმწიფო უნივერსიტეტში გეომორფოლოგია-გეოეკოლოგიის კათედრის ლაბორანტად. 1994 წლიდან მუშაობს ვახუშტი ბაგრატონის სახელობის გეოგრაფიის ინსტიტუტის კარსტოლოგია-სპელეოლოგიის განყოფილების თანამშრომლად, 1995 წლიდან უფროსი მეცნიერი თანამშრომელი. 1996 წელს სტაჟირება გაიარა ზაარლანდის (ქ. საარბრიუკენი, გერმანია) უნივერსიტეტში. მის სადისერტაციო ნაშრომში მოცემულია რელიეფში ასახული დღემდე უცნობი ხაზოვანი, წრიული და ბლოკური სტრუქტურების გამოვლინება-ტიპიზაცია. ეგზოდინამიკური პროცესების და რელიეფის სტრუქტურული ველების სივრცითი კავშირების გავლენა. მაღალმთიან რაიონებში გეოდინამიკურ პროცესებზე დისტანციური მონიტორინგის წინაპირობათა ანალიზი. ამ და სხვა საკითხებზე გამოქვეყნებული აქვს 10-ზე მეტი სამეცნიერო ნაშრომი. არის სპორტის ოსტატობის კანდიდატი, გეოგრაფიულ მეცნიერებათა კანდიდატი, კომპანია "გეოგრაფიკის" ხელმძღვანელი.

საკანდიდატო დისერტაციის თემა - "გეოდინამიკური პროცესების კვლევა დისტანციური მეთოდებით (ზემო სვანეთის მაგალითზე)", დაიცვა 1996 წელს.

წყარო: ქართველი მოგზაურები, გეოგრაფები, ბუნების მკვლევარნი: ენციკლოპედიური ცნობარი.-თბ., 2003. -გვ.90