გივი თალაკვაძე

დაბადების ადგილი: ქ. თბილისი.

დაამთავრა ივანე ჯავახიშვილის სახელობის თბილისის სახელმწიფო უნივერსიტეტის ფიზიკის ფაკულტეტი 1971 წელს.

1970-1990 წლებში თბილისის ივანე ჯავახიშვილის სახელობის უნივერსიტეტის ლაბორანტი, უმცროსი მეცნიერ-თანამშრომელი, კათედრის ასისტენტი, ფიზიკის ფაკულტეტის დეკანის მოადგილე; 1978-1986წწ. მუშაობდა პარტიულ-ხელმძღვანელ თანამდებობებზე: უნივერსიტეტის კომკავშირის კომიტეტის მდივანი, საქართველოს ალკკ ცენტრალური კომიტეტის განყოფილების გამგე. თბილისის საქალაქო კომიტეტის მეორე მდივანი, საქართველოს კპ თბილისის ორჯონიკიძის რაიკომის მეორე მდივანი, თბილისის საქალაქო კომიტეტის განყოფილების გამგე; 1986-1989წწ. საქართველოს სსრ განათლების მინისტრის მოადგილე; 1990-1991წწ. საქართველოს რესპუბლიკის უზენაესი საბჭოს წევრი, საარჩევნო ფორმა: პარტიული სიით, საარჩევნო ბლოკი: საქართველოს ერთიანი კომუნისტური პარტია; ხელი აქვს მოწერილი საქართველოს სახელმწიფოებრივი დამოუკიდებლობის აღდგენის აქტზე (1991 წლის 9 აპრილი); 1991-1995წწ. საქართველოს რესპუბლიკის მრეწველობის მინისტრის მოადგილე. ფიზიკა-მათემატიკის მეცნიერებათა დოქტორი.

წყარო: საქართველოს პარლამენტის ვებგვერდი: parliament.ge;  საქართველოს პარლამენტის წევრები 1990-2015 / კობა ამირხანაშვილი.- თბ.-2015.-გვ.168;  interpressnews.ge

• საქართველოს რესპუბლიკის პირველი მოწვევის უზენაესი საბჭო, წევრი (1990-1991)
• საქართველოს რესპუბლიკის პირველი მოწვევის უზენაესი საბჭოს მრეწველობის, ენერგეტიკის, მშენებლობის, ტრანსპორტისა და კავშირგამბულობის კომისია, წევრი (1990-1991)
• საქართველოს საინჟინრო აკადემია, აკადემიკოსი
• ქართველ საზოგადო მოღვაწეთა ორგანიზაცია "თავისუფალი აზრის სახლი", თავმჯდომარე

• ღირსების ორდენი