ამბროსი ინწკირველი

დაბადების ადგილი: სოფელი ბახვი, ოზურგეთის მაზრა.

დაამთავრა კიევის კომერციული ინსტიტუტის ეკონომიკის ფაკულტეტიტი 1915 წელს.

ინსტიტუტის დამთავრების შემდეგ სხვადა­სხვა დროს მუ­შა­ობ­და ბათუმსა და ფოთში, მასწავლებლობდა ქ. ფოთის ქალთა გიმნაზიაში. 1919 წელს დაი­ნიშნა თბილისის ქალაქის გამგეობის მდივნად; 1920 წელს აირჩიეს სა­ქართველოს კოოპერატიული ბანკის გამგეობის წევრად, კითხულობდა ლექციებს თბილისის პედაგოგიურ (საპედაგოგო) ინსტიტუტში; 1923 წელს მიიწვიეს თბილისის სახელმწიფო უნივერსიტეტში ბუხჰალტრული აღრიცხვის დისციპლინებში ლექციების წასაკითხად; 1944 წელს აირჩიეს მისივე ინიციატივით იქვე დაარ­სე­ბუ­ლი საბუხჰალტრო აღრიცხვისა და სამეურნეო საქმიანობის ანალიზის კა­თედ­რის გამგედ, სადაც ორი ათეული წლის განმავლობაში მუ­შაობ­და; მისი სამეცნიერო შრომები ­ეხება ბუხჰალტრული აღრიცხვა-ან­გარიშ­გების თეორიულ და პრაქტიკულ სა­კითხებს; ავტორია ათობით სამეცნიერო ნა­შრო­მისა, მათ შორის 12 სა­ხელმ­ძღვანე­ლოსი. მან ქართულ ენა­ზე შეადგინა პირველი ორიგინალური სა­ხელმ­ძღვანე­ლოები: "საბანკო ანგარიშწარმოება" (1927), "კოლმეურნეობათა ანგარიშ­სწორება" (1930), "სამრეწველო ანგარიშსწორება" (1934) და სხვა; მისი ნა­შრო­მი საკოლმეურნეო ბუხჰალტერიაში ერთ-ერთი პირველი სა­ხელმ­ძღვანე­ლო იყო არა მარტო ქართულ, არამედ რუსულ ენაზეც; ეკონომიკის მეცნიერებათა კანდიდატი (1938), პროფესორი (1963).

წყარო: საქართველო: ენციკლოპედია: ტ. IV. -თბ., 2018. -გვ.305

• 1968 - საქართველოს მეცნიერებათა დამსახურებული მოღვაწე

• ბუხჰალტრული აღრიცხვის საფუძვლები (Author) // ნაწ.1 . - ტფილისი, 1934. - 80გვ.
• ანგარიშწარმოების სახელმძღვანელო კოლმეურნეობის ახალგაზრდობის სკოლებისათვის (Author). - ტფილისი, სახელგამი, 1931. - 160გვ.
• ანგარიშების ნომენკლატურა სხვადასხვა საწარმოებში. - ტფილისი , ტფ. სამეურ.-ეკონ. ტეხნ. მოწაფ. კოოპერატივი, 1930. - 162გვ.
• ანგარიშმცოდნეობის საფუძვლები (Author). - ტფილისი, სახელგამი, 1930. - 220გვ.
• ბუხჰალტერიის ზოგადი კურსი ორ ნაწილად : თეორია და პრაქტიკა (Author). - ტფილისი , 1924. - 299გვ.