
	English Georgian

The Biographical Dictionary of Georgia covers biographies of people who belong to history of Georgia, who are linked with Georgia, lived in or beyond it.

The dictionary is supported by the National Library of Georgia.

The project aims at publishing the biographies of outstanding Georgians. We hope that whole Georgia will be involved in filling this unique dictionary.

Follow on Facebook

Suggest a Biography

Correction

ეთერ დავითაია

Date of birth:	29 August, 1951 (73 years)
Category:	Geographer, Scientist, Educator

Biography

დაბადების ადგილი: სოფელი ონტოფო, აბაშის რაიონი.

დაამთავრა თბილისის სახელმწიფო უნივერსიტეტის გეოგრაფია-გეოლოგიის ფაკულტეტი ფიზიკური გეოგრაფიის სპეციალობით 1972 წელს.

მუშაობს ვახუშტი ბაგრატიონის სახელობის გეოგრაფიის ინსტიტუტში უფროსი მეცნიერ თანამშრომლის თანამდებობაზე. შეთავსებით კითხულობს ლექციებს თბილისის სახელმწიფო უნივერსიტეტის სოხუმის ფილიალში. აგრეთვე, მუშაობს არასახელმწიფო საერო საშუალო სკოლა "ათინათში" გეოგრაფიის მასწავლებლად (IV-X კლასები). წლების განმავლობაში იყო ინსტიტუტის სამეცნიერო სემინარის სწავლული მდივანი. 1881-1995წწ. გაიარა ინსტიტუტის დაუსწრებელი ასპირანტურის კურსი. მის სადისერტაციო ნაშრომში გამოყენებულია ტექნოგენური ლანდშაფტების კვლევის მრავალფაქტორული რეგრესიული ანალიზის მეთოდი, რომლის საშუალებით, პირველად საქართველოში, ნებისმიერი სამთო რეგიონისათის გარემოს ლანდშაფტურ-ეკოლოგიური შეფასების მიზნით შემუშავებული იქნა ტექნოგენურ ლანდშაფტებსა და მის ცალკეულ კომპონენტებს შორის ურთიერთდამოკიდებულების კანონზომიერება. მისი კვლევის ინტერესებია: ლანდშაფტების ტექნოგენური გარდაქმნის სპეციფიკის ფიზიკურ-გეოგრაფიულ ფაქტორებზე დამოკიდებულების მეცნიერული მიმართულების განსაზღვრა; ანთროპოგენური ლანდშაფტების ფუნქციონირების ეკოლოგიური ასპექტები და მათი ოპტიმიზაციის პრობლემები; ეკოლოგიურად დაძაბულ კერობრივ-ანთროპოგენური ზემოქმედების ზონებში ლანდშაფტების მდგომარეობის რეგიონულ თავისებურებათა კვლევა და გარემოს მდგრადი განვითარების უზრუნველყოფის მეცნიერული გზების დასახვა; საქართველოს დაცული ტერიტორიების რეკრეაციული ტევადობის შეფასება და ლანდშაფტურ-ეკოლოგიური ზონირება; საქართველოს აგროკულტურების ოპტიმალური განლაგების განმსაზღვრელი ფიზიკურ-გეოგრაფიული ფაქტორების ანალიზი და სინთეზი. გამოქვეყნებული აქვს 50-ზე მეტი სამეცნიერო ნაშრომი. გეოგრაფიულ მეცნიერებათა დოქტორი, თბილისის სახელმწიფო უნივერსიტეტის ბუნებათსარგებლობის გეოგრაფიის კათედრის ასისტენტ პროფესორი.

საკანდიდატო დისერტაციის თემა - "ტექნოგენური ლანდშაფტები, მათი აღდგენა და რაციონალური ბუნებათსარგებლობა (საქართველოს მაგალითზე)", დაიცვა 1990 წელს.

წყარო: ქართველი მოგზაურები, გეოგრაფები, ბუნების მკვლევარნი: ენციკლოპედიური ცნობარი.-თბ., 2003. -გვ.97-98; თბილისის სახელმწიფო უნივერსიტეტი: tsu.ge

Bibliography

მსოფლიოს ფიზიკური გეოგრაფია: კონტინენტები და ოკეანეები : სახელმძღვ. (Co-Author). - თბილისი, თბილ. უნ-ტის გამ-ბა, 2013. - 248გვ.. - ISBN: 9789941132810
გეოგრაფია ეკოლოგებისათვის : სახელმძღვ. (Co-Author). - თბილისი, თბილ. უნ-ტის გამ-ბა, 2013. - 144გვ.. - ISBN: 9789941132698
საქართველოს ფიზიკური გეოგრაფია : სახელმძღვ. უმაღლ. სასწ. სტუდენტებისათვის (Co-Author). - თბილისი, უნივერსალი, 2012. - 238გვ. . - ISBN: 9789941175213
ბუნებათსარგებლობის გეოგრაფია=Geography of nature management : სახელმძღვ. (Co-Author). - თბილისი, თბილ. უნ-ტის გამ-ბა, 2011. - 232გვ.. - ISBN: 9789941131943
ანთროპოგენური ლანდშაფტები=Anthropogenic landscapes : ანალიზი და სინთეზი (Co-Author). - თბილისი, თბილ. უნ-ტის გამ-ბა, 2009. - 152გვ.. - ISBN: 9789941130908