იოანე (მანგლელ-თბილელი ეპისკოპოსი)

XV ს. საეკლესიო მოღვაწე, მანგლელ-თბილელი ეპის­კო­პო­სი (ისტ. წყა­რო­ები მიტროპოლიტადაც მო­იხსენიებს). 1437-1939წწ. ფერარა-ფლორენციის სა­ეკლესიო კრების მონაწილე, გრიგოლ ეპისკოპოსსა და ერთ ­ქართველ დიდებულთან (სახელი უცნობია) ერთად სა­ქართველოს დელეგაციის აქტიური წევრი და ხელმძღვანელი; რომის პაპის ჩანაფიქრით, უნდა მომხდარიყო კათოლიკე და ქართული მართლმადიდებელი ეკლესიების გაერთიანება, რაც ფაქტობრივად ვატიკანის პოლიტიკური ბატონობის აღიარებას ნიშნავდა; ქართული დელე­გა­ცია დარწმუნდა, რომ პაპისაგან სა­ქარ­თვე­ლო რეალურ დახმარებას ვერ მიიღებდა, ამიტომ მათ გაერთიანების აქტს ხელი არ მოაწერეს; საეკლესიო კრების დროს დელეგაციის წევრებზე ფიზიკური ზემოქმედებისა და ძალდატანების საშიშროება შეიქმნა, ამიტომ გრიგოლ ეპისკოპოსმა შეკრება მიატოვა და სა­ქარ­თვე­ლო­ში დაბრუნდა. მან ღარიბის ტანსაცმელი გადაიცვა და იტა­ლიაში იმოგზაურა პაპის პოლიტიკის მხილების მიზნით.

წყარო: საქართველო: ენციკლოპედია: ტ. IV. -თბ., 2018. -გვ.307