იობი (ეპისკოპოსი)

ქართლის ეკლესიის მეთაური (ეპის­კო­პო­სი) IV საუკუნის შუახანებში; "მეფეთა ცხოვრების" ავტორის ცნობით, "მოკუდა იაკობ ეპისკო­პო­სი, და დაჯდა იობ სომეხი, ნერსე კათალიკოსისა დიაკონი"; მის წარმომავლობის შე­სა­ხებ მკვლევრები სხვა­და­სხვა აზრისანი არიან; იგი მიჩნეულია "მცხე­თის ადგილობრივი სომხური თემის წარმომადგენლად" (ჰ. მურადიანი), ეროვნებით ქართველად, რომელიც ქართლის ეკლესიის მეთაურად ხელდასხმამდე სომხეთში მოღვაწეობდა (გ. მაისურაძე); IV საუკუნის შუახანების ქართლში შექმნილი მძიმე პოლიტიკური ვითარების გამო ქარ­თლის ეპისკოპოსად იგი ნერსე სომეხთა ეპისკოპოსმა აკურთხა; "მოქცევაჲ ქართლისაჲს" ქრონიკის შატბერდულ რედაქციაში იობის სომხობაზე არაფერია ნათქვამი და მითითებულია, რომ `ნერსე სომეხთა კათალიკოსის დიაკონი იობ" ქართლის "მთავარეპის­კო­პოსი" თრდატ მეფის დროს იყო.

წყარო: საქართველო: ენციკლოპედია: ტ. IV. -თბ., 2018. -გვ.326