თედო გულბათაშვილი

დაბადების ადგილი: სოფელი წინამძღვრიანთკარი, მცხეთის რაიონი.

თედო გულბათაშვილს ეკუთვნის საქართველოში სხვადასხვა ვარიანტით გავრცელებული ლექსი "სახნისმა თქვა" (პირველად გამოქვეყნდა "ივერიაში", 1888, №169). მან ეს ლექსი პირველად "ილიაობაზე" თქვა. იგი იყო ილია ჭავჭავაძის მიერ გამართული "ილიაობის" მუდმივი სტუმარი, სადაც საზოგადოებას თავის სიმღერებსა და ლექსებს აცნობდა. მისი შვილებიც (ვაჟი ვასილ გულბათაშვილი) ასევე გამოირჩეოდენენ წინამძღვრიანთკარსა და სტეფანწმინდაში სიმღერებითა და შაირებით. თედო გულბათაშვილის ლექსები შეტანილი იყო "დედა ენის" სახელმძღვანელოში. მოლექსეობითა და მესტვირეობით ცნობილი გუთნისდედა, ხალხური მთქმელი.

წყარო: ქართველ მოღვაწეთა ლექსიკონი, 1801-1952: ტ. I ა-დ / იოსებ იმედაშვილი.-თბ.,2018.-გვ.747