ნიკოლოზ გულიაშვილი

დაბადების ადგილი: სოფელი კარდენახი, გურჯაანის რაიონი.

სამწერლო ასპარეზზე გამოვიდა 1903 წლიდან. პირველი ნაწარმოები გამოაქვეყნა გაზეთ "ივერიაში". წერდა სხვადასხვა ჟურნალ-გაზეთშიც ფსევდონიმებით: კარდენახელი, კოლა-გიორგი, მოსული მუშა, მეთვალყურე, გულშემატკივარი, კ. გ.-ი.  1905 წლიდან მონაწილეობდა რევოლუციურ მოძრაობაში, ჩაბარებული ჰქონდა არალეგალური სტამბა და ლიტერატურა, პროკლამაციების ბეჭდვა-გავრცელება და სხვ. 1906 წელს პოლიტიკური საქმიანობის გამო დააპატიმრეს და ასტრახანის გუბერნიის დაბა ენოტაევში გადაასახლეს, საიდანაც 1907 წელს გიორგი ელისაშვილის სახელითა და გვარით გამოიქცა და კვლავ არალეგალური მუშაობა გააგრძელა. ამავე წელს შეიპყრეს გარდაცვლილი ძმის პასპორტით. რევოლუციონერი, ასოთამწყობი.

წყარო: ქართველ მოღვაწეთა ლექსიკონი, 1801-1952: ტ. I ა-დ / იოსებ იმედაშვილი.-თბ.,2018.-გვ.750

• პამპულა : ორქმედობიანი მხიარული კომედია (ავტორი). - ტფილისი, საქ. პოლიტსამართ. მ/გ. მთავარ სამმართვ. საწარმ. განყ. სტ., 1932. - 16გვ.
• ონოფრეს ქორწინება : მხიარული კომედია 1 მოქ. (ავტორი). - ბათომი, შახბარათოვის გამოცემა, 1928. - 16გვ.
• ცხოვრების ტრაგედია : სამ-მოქმედებიანი ფანტასტიური ტრაგედია პროლოგით. პროზათ. ავტორის სურათით, ავტოგრაფით და მკითხველისადმი წინასიტყვაობით / კოლა გულიაშვილი-კარდენახელი (ავტორი). - 1919. - 32გვ.
• გაღატაკებული ოჯახი : დრამა ერთ მოქმედებად / გულიაშვილისა (ავტორი). - თბილისი, საწყლის შვილის გამოცემა (გამოცემულია ახლად დამშეულთა და მოძრაობაში დაზარალებულთა სასარგებლოდ) (სტ. "იდეალი") , 1906. - 18გვ.