მერი დევდარიანი

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის გეოგრაფია-გეოლოგიის ფაკულტეტი მხარეთმცოდნეობის სპეციალობით გეოგრაფიის კვალიფიკაციით 1949 წელს.

მუშაობდა პატარა ცემის (ბორჯომის რ-ნი) სკოლა-სანატორიუმში გეოგრაფიისა და რუსული ენის მასწავლებლად; 1954 წლიდან თბილისის ქალთა მე-3 საშუალო სკოლაში გეოგრაფიის მასწავლებელია; 1968 წლიდან ამავე სკოლაში დირექტორის მოადგილეა; 1972 წელს გადაიყვანეს თბილისის 72-ე საშუალო სკოლაში დირექტორის მოადგილედ სასწავლო დარგში და გეოგრაფიის მასწავლებლად; 1975 წელს მიიწვიეს განათლების სამინისტროში სასკოლო ინსპექტორად, 1989 წლიდან დაინიშნა მთავარ ინსპექტორად, 1991 წლიდან პირველი კატეგორიის სპეციალისტად, ხოლო 1992 წლიდან მთავარ სპეციალისტად; 1996 წლიდან მუშაობდა ი. გოგებაშვილის სახელობის პედაგოგიურ მეცნიერებათა ეროვნულ ინსტიტუტში მეცნიერ თანამშრომლად. გამოქვეყნებული აქვს რამდენიმე ნაშრომი გეოგრაფიის სწავლების შესახებ. მონაწილეობდა საკავშირო გეოგრაფიული საზოგადოების გასვლითი სემინარების, საკავშირო და საქართველოს გეოგრაფიული საზოგადოების სასკოლო სექტორის მუშაობაში, სსრკ პედაგოგიკურ მეცნიერებათა აკადემიის სამეცნიერო-კვლევითი ინსტიტუტის სწავლების შინაარსისა და მეთოდიკის ლაბორატორიის მიერ ჩატარებულ სემინარებში. არის ორი სასწავლო ფილმის "საქართველოს ფიზიკური გეოგრაფიისა" და "საქართველოს ეკონომიკური გეოგრაფიის" სცენარის ავტორი. მიღებული აქვს "სახალხო განათლების წარჩინებულის" (1967) და "სსრკ განათლების წარჩინებულის" (1979) სამკერდე ნიშნები.

წყარო: ქართველი მოგზაურები, გეოგრაფები, ბუნების მკვლევარნი: ენციკლოპედიური ცნობარი.-თბ., 2003. -გვ.106-107

• 1982 - საქართველოს დამსახურებული მასწავლებელი
• მედალი "შრომითი წარჩინებისთვის"
• მედალი "შრომითი მამაცობისთვის"

• სასწავლო პროგრამა გეოგრაფიაში : სარეფორმო VII-IX კლ. (შემდგენელი). - თბილისი, საქ. განათლ. სამინ., პედ. მეცნ. ეროვნ. ინ-ტი., 1998. - 41გვ.
• ეკონომიკური და სოციალური გეოგრაფია : ზოგადსაგანმ. საშ. სკოლის მე-8-9 კლასებისათვის (შემდგენელი). - თბილისი, განათლება, 1991. - 120გვ.. - ISBN: 5-505-01653-7