მიხეილ კალანდარიშვილი

დაბადების ადგილი: ქ. თბილისი.

დამთავრა შოთა რუსთაველის სახელობის სა­ხელმწიფო თეატრალური ინსტიტუტი 1974 წელს, შემდეგ, სწავლა განაგრძო ლენინ­გრადის თეატრის, მუსიკისა და კინე­მატოგრაფიის ინსტიტუტში.

1979 წლიდან იყო შოთა რუსთაველის სახელობის სა­ხელმწიფო თეატრალური ინსტიტუტის პედაგოგი და მეცნიერ-თანამ­შრომელი; 2006 წლიდან - თეატრისა და კინოს უნივერსიტეტის სრული პროფესორი კრიტიკისა და თეორიის მიმართულებით; იყო მრავალი ადგილობრივი და საერთაშორისო სამეცნიერო კონფერენციის მონაწილე და მომხსენებელი; რამდენიმე პროფესიული პრემიის ჟიურის წევრი; 10-მდე წიგნის რედაქტორი, მრავალი სამეცნიერო ნაშრომის რეცენზენტი და პროფესიული გამოცემის სარედაქციო საბჭოს წევრი; 100-მდე თეორიული და ისტორიული ხასიათის სამეცნიერო პუბლიკაციის, რუსული და ფრანგული თეატრალური ენცი­კლოპედიების წერილების, რამ­დენიმე წიგნისა და სახელმ­ძღვანელოს ავტორი, მათ შორის: "სანდრო ახმეტელის რეჟისურის პრობლემები" (თბ., 1986, რუს. ენაზე), "მოდერ­ნიზმი ქართულ თეატრში" (2010). მიღებული აქვს სა­ქართველოს თეატრალური საზოგადოების პროფესიული პრემიები (1984–85). თეატრმცოდნე, თეატრის კრიტიკოსი, ხელოვნებათმცოდნეობის დოქტორი (1993), პროფესორი (1996).

სადოქტორო დისერტაციის თემა - "ქართული თეატრის ძირითადი მიმართულებანი (მე-20 საუკუნის დასაწყისი)", დაიცვა 1993 წელს. 

წყარო: საქართველო: ენციკლოპედია: ტ. IV. -თბ., 2018.-გვ. 485-486; საქართველოს მეცნიერებათა დოქტორები, 1992-2006/შემდგ. და რედ.: ირინა ჯაფარიძე. -თბ., 2012. -გვ.584

• სათეატრო ხელოვნება და ანთროპოლოგია : დამხმ. სახელმძღვ. (რედაქტორი). - თბილისი, "კენტავრის" გამ-ბა, 2014. - 136გვ. . - ISBN: 9789941937538
• სახელოვნებო პროცესები, 1900-1930 = Art processes, 1900-1930 : კრებული (თანაავტორი). - თბილისი, "კენტავრის" გამ-ბა, 2011. - 288გვ. . - ISBN: 9789941918711
• მოდერნიზმი ქართულ თეატრში : XX საუკუნის დასაწყისი : დამხმ. სახელმძღვ. სტუდ. (ავტორი). - თბილისი, კენტავრი, 2010. - 185გვ. . - ISBN: 9789941916137
• Проблемы режиссуры Сандро Ахметели (ავტორი). - Тбилиси, Хеловнеба, 1986. - 124с.