იოსებ კამბერლენი

 დაბადების ადგილი: ქ. ანტვერპენი.

სწავლობდა ანტვერპენის აკადემიაში, შემდეგ კი – პარიზში.

1798 წელს დაბრუნდა სამშობლოში; 1805 წლიდან მოღვაწეობდა პეტერბურგში; 1816 წელს დაინიშნა სა­ქართველოს საგუბერნიო არქიტექტორად; 1817 წელს მან, რომელიც იყო ნიდერლანდების მოქალაქე, მიიღო რუსეთის ქვეშევრდომობა; ძირითადად მოქანდაკედ მუ­შა­ობდა; მან სხვებთან ერთად მიიღო მონაწილეობა ბირჟის შენობისა და როსტრალური კოლონების სკულპტურულ გაფორმებაში (1805-1810, არქიტ. ტომა დე ტო­მონი); შეადგინა სამხედრო სკოლის ფრონტონის პროექტი პეტერბურგ­ში (დაახლ. 20,0 მ × 4,5 მ). თბილისში ცნობილია მის მიერ შესრულებული ერთადერთი პროექტი – თეკლა ბატონი­შვი­ლის სახლი; პროექტი (ორი ფასადი) დათარიღებულია 1819 წ. 27 მარტით (ძვ. სტილით). და­ცუ­ლია ხელნაწერთა ეროვნულ ცენტრში.

წყარო: საქართველო: ენციკლოპედია: ტ. IV. -თბ., 2018.-გვ. 505

• პეტერბურგის სამხატვრო აკადემია, აკადემიკოსი (1809-)