რევაზ თოლორდავა

დაბადების ადგილი: სოფელი მუხური, ჩხოროწყუს რაიონი.

1970-1971წწ. სწავლობდა სოხუმის პედაგოგიური ინსტიტუტის ფიზიკა-მათემატიკის ფაკულტეტზე მათემატიკის სპაციალობით. 1971-1973წწ. მსახურობდა სსრკ შეიარაღებულ ძალებში; 1975-1980წწ. სწავლას აგრძელებს ქ. ლვოვის პოლიტექნიკური ინსტიტუტის გეოდეზიის ფაკულტეტის საინჟინრო გეოდეზიის სპეციალობაზე, რომელიც დაამთავრა ინჟინერ-გეოდეზისტის კვალიფიკაციით.

1979-1992წწ. მუშაობდა "საქქალაქმშენსახპროექტის" სოხუმის ფილიალში, საძიებო განყოფილებაში, ჯერ ტექნიკ-ტოპოგრაფად, შემდეგ ინჟინერ-გეოდეზისტად, ტოპო-გეოდეზიური პარტიის უფროსად; 1983-1993წწ. შეთავსებით მუშაობდა აფხაზეთის სახელმწიფო უნივერსიტეტში, ბიოლოგია-გეოგრაფიის ფაკულტეტის გეოგრაფიის კათედრაზე; 1990-1993წწ. კი საქართველოს სუბტროპიკული ინსტიტუტის მებაღეობა-მებოსტნეობის კათედრაზე, მასწავლებლად; 1989-2004წწ. თსუ სოხუმის ფილიალში, საბუნებისმეტყველო მეცნიერებათა ფაკულტეტის გეოგრაფიის კათედრაზე, მასწავლებლად; 1993 წელს მსახურობდა თავდაცვის სამინისტროს II საარმიო კორპუსში, საარტილერიო პოლკში, ტანკსაწინაღობო დივიზიონის დაზვერვის უფროსად; 1992-1995წწ. ლექციებს კითხულობდა ზუგდიდის დამოუკიდებელ უნივერსიტეტში; 1996-2006წწ. მუშაობდა აფხაზეთის ავტონომიური რესპუბლიკის მინისტრთა საბჭოში, აფხაზეთის ავტონომიური რესპუბლიკის, გეოდეზიისა და კარტოგრაფიის სახელმწიფო დეპარტამენტის თავმჯდომარის პირველი მოადგილედ; 2004-2005წწ. თსუ სოხუმის ფილიალში, საბუნებისმეტყველო მეცნიერებათა (2006-2007წწ. ზუსტ და საბუნებისმეტყველო მეცნიერებათა) ფაკულტეტის დეკანის მოადგილედ; 2005-2006წწ. თსუ სოხუმის ფილიალის, ზუსტ და საბუნებისმეტყველო მეცნიერებათა ფაკულტეტის დოცენტი და გეოგრაფიის საგანმანათლებლო პროგრამის ხელმძღვანელია; 2007 წელს აფხაზეთის მთავრობის დავალებით ზემო აფხაზეთში (ს. ჩხალთა, ს. აჟარა) ჩაატარა ტოპო-გეოდეზიური სამუშაოები რეგიონის კეთილმოწყობის პროგრამით გათვალისწინებული საპროექტო სამუშაოების კარტოგრაფიული უზრუნველყოფის მიზნით; 2008 წლიდან მონაწილეობდა ზემო აფხაზეთში სოხუმის სახელმწიფო უნივერსიტეტის მიერ მოწყობილ არქეოლოგიურ ექსპედიციაში -  რეგიონის ისტორიული და არქეოლოგიური ძეგლების საკვლევი-საძიებო სამუშაოების ტოპო-გეოდეზიური საფუძვლის უზრუნველსაყოფად; 2015 და 2017 წლებში მიიწვიეს განათლების ხარისხის განვითარების ეროვნულ ცენტრში. პროფესიული მოდულური პროგრამის "ამზომველ-ტოპოგრაფის" ჩარჩო დოკუმენტის შემმუშავებელი ჯგუფის ხელმძღვანელად; 2007-2012წწ. სოხუმის სახელმწიფო უნივერსიტეტი, ზუსტ და საბუნებისმეტყველო მეცნიერებათა (2012-2021წწ. საბუნებისმეტყველო მეცნიერებათა და ჯანდაცვის) ფაკულტეტი, გეოგრაფიის საგანმანათლებლო პროგრამის ასოცირებული პროფესორი; 2021 წლიდან სოხუმის სახელმწიფო უნივერსიტეტში, საბუნებისმეტყველო მეცნიერებათა, მათემატიკის, ტექნოლოგიებისა და ფარმაციის ფაკულტეტის გეოგრაფიის საგანმანათლებლო პროგრამის ასოცირებული პროფესორი. მისი კვლევის სფეროებია: სახელმწიფო საზღვრების მოწესრიგების საკითხები, გეოდეზიის, ტოპოგრაფიისა და კარტოგრაფიის (ტერიტორიის კარტოგრაფირების) თეორიული და პრაქტიკული საკითხები; სოხუმის სახელმწიფო უნივერსიტეტში კითხულობს სალექციო კურსებს: ტოპოგრაფია, კარტოგრაფია, ზოგადი ჰიდროლოგია, სახელმწიფო საზღვრები, საზოგადოებრივი გეოგრაფია; 2019-2022წწ. შეთავსებით მუშაობდა კოლეჯ "სპექტრში", მოდულური პროგრამის "აზომვითი ტოპოგრაფიული სამუშაოების შესრულება", პროფესიულ მასწავლებლად; 2019 წლიდან შეთავსებით მუშაობს გლდანის პროფესიული მომზადების ცენტრში, მოდულური პროგრამის "აზომვითი ტოპოგრაფიული სამუშაოების შესრულება", პროფესიულ მასწავლებელად, 2022 წლიდან მიმართულების ხელმძღვანელად; 2022-2023წწ. შოთა რუსთაველის ეროვნული სამეცნიერო ფონდის გრანტით დაფინანსებული სამეცნიერო კვლევით პროექტში - "დავით გარეჯის სამონასტრო კომპლექსი და საქართველო-აზერბაიჯანის სასაზღვრო ზონა", ისტორიულ-გეოგრაფიული რეალიები. BRG – I – 22 – 095 ძირითადი მონაწილე; 2023 წელს სამეცნიერო ხელმძღვანელია შოთა რუსთაველის ეროვნული სამეცნიერო ფონდის გრანტით დაფინანსებული სამეცნიერო კვლევითი პროექტის - "აფხაზეთის ავტონომიური რესპუბლიკის გეოგრაფიული საინფორმაციო სისტემა და კომპლექსური ატლასი". არის 80-ზე მეტი სამეცნიერო სტატიის, 1 საუნივერსიტეტო სახელმძღვანელოს ავტორი და 2 მონოგრაფიის თანაავტორი; მონაწილეობა აქვს მიღებული 30-ზე მეტ საერთაშორისო (გერმანია, უკრაინა, ჩეხეთი და სხვ.) თუ ადგილობრივ სამეცნიერო ფორუმებში და პროექტებში; აქტიურად მონაწილეობს ადგილობრივ  და საერთაშორისო კარტოგრაფიულ და გეოგრაფიულ ფორუმებში. ქართველი გეოდეზისტი, კარტოგრაფი.

საკანდიდატო დისერტაციის თემა - "სახელმწიფო საზღვრების მოწყობის გეოგრაფიულ-კარტოგრაფიული საკითხები (საქართველოს მაგალითზე)", დაიცვა 2002 წელს ივ. ჯავახიშვილის სახელობის თბილისის სახელმწიფო უნივერსიტეტში.

წყარო: ქართველი მოგზაურები, გეოგრაფები, ბუნების მკვლევარნი: ენციკლოპედიური ცნობარი.-თბ., 2003. -გვ.135-136; სოხუმის სახელმწიფო უნივერსიტეტი: elibrary.sou.edu.ge

• საქართველოს გეოგრაფიული საზოგადოება, წევრი
• საქართველოს კარტოგრაფთა ასოციაცია, წევრი

• დავით გარეჯის სამონასტრო კომპლექსის ტერიტორიული კუთვნილობის გეოგრაფიულ - კარტომეტრიული ასპექტები : საქართველოს ალ. ჯავახიშვილის სახელობის გეოგრაფიის საზოგადოება. შრომათა კრებული. ახალი სერია, I (XIX ) (ავტორი). - თბილისი, 2018
• Planning-Mapping the Khertvisi Historical-Cultural Landscapes : Geoinformation and Sustain-able Development Selected Papers (ავტორი) // LNIS Vol. 9 InterCarto-InterGIS 24, Lecture Notes in formation Sciences, Vol. 9. Bonn, Geoinformation and Sustainable Development. - CODATA-Germany, 2018. - p.54-60. - ISBN: 978-3-00-062981-5
• Особенности картографирования археологичесских и архитектурных памятников : Материалы Международной научной конференции (ავტორი) // InterCarto / Inter GIS-21. - 2015
• ტოპოგრაფია გეოდეზიის საფუძვლებით : სახელმძღვ. (ავტორი). - თბილისი, გეოიდი-2011, 2014. - 238გვ.. - ISBN: 9789941051609
• Determining Geographical Factors of Historic Transformation of the State Border of Georgia : International Scientific conference "Space, Society, Politics", dedicated to 70th birthday anniversary of Professor Revaz Gachechiladze (ავტორი) // Abstract. 3-5 June. - 2013
• Geographical Factor as a Basis for Research of State Borders (On the Example of Georgia) : Journal of Earth Science and Engineering (ავტორი). - California, EL monte, David Publishing Company3, 2013
• საქართველოს საზღვრები=Georgian borders (თანაავტორი). - თბილისი, 2009. - 135გვ.
• The Retrospective Image of State Border according to Alexandre Javakhishvili’s Maps (ავტორი) // International Journal of Scientific Research, vol. 5, issue 12. - p.749-751