ავთანდილ იმნაძე

დაბადების ადფგილი: ქ. თბილისი.

დაამთავრა საქართველოს პოლიტექნიკური ინსტიტუტის გეოლოგიის ფაკულტეტი 1965 წელს; თბილისის შოთა რუსთაველის სახელობის სახელმწიფო თეატრალური ინსტიტუტი.

1963-1968 წლებში თბილისის ბეჭდვითი სიტყვის კომბინატის ფოტოლაბორანტი, თბილისის სახეხი ჩარხების ქარხნის მუშაკი, ქარელის ჰიდროგეოლოგიური პარტიის უფროსი მექანიკოს-გეოლოგი; 1966-78წწ., 1983-1990წწ. მუშაობდა  საქართველოს ტელერადიომაუწყებლობის სახელმწიფო კომიტეტში, იყო რეჟისორის ასისტენტი, რეჟისორი, კინოსტუდია "ქართული ფილმის" რეჟისორის ასისტენტი, საქტელერადიოს რეჟისორი; 1978-1985წწ. პოლიტპატიმარი; 1990-1991წწ. საქართველოს რესპუბლიკის პირველი მოწვევის უზენაესი საბჭოს წევრი, საარჩევნო ბლოკი: "მრგვალი მაგიდა-თავისუფალი საქართველო", საარჩევნო ფორმა: მაჟორიტარული, მაჟორიტარი №74 წყალტუბოს საარჩევნო ოლქიდან, ეროვნული ფრონტი-რადიკალური კავშირი; ხელი აქვს მოწერილი საქართველოს სახელმწიფოებრივი დამოუკიდებლობის აღდგენის აქტზე (1991 წლის 9 აპრილი).

წყარო: საქართველოს პარლამენტის ვებგვერდი: parliament.ge; საქართველოს პარლამენტის წევრები 1990-2015 / კობა ამირხანაშვილი.- თბ., 2015.- გვ. 181; ჟურნალი "თბილისელები": tbiliselebi.ge

• საქართველოს რესპუბლიკის პირველი მოწვევის უზენაესი საბჭო, წევრი (1990-1991)
• საქართველოს რესპუბლიკის პირველი მოწვევის უზენაესი საბჭოს ადამიანის უფლებათა დაცვის მუდმივმოქმედი კომისია, თავმჯდომარე (1990-1991)
• საქართველოს რესპუბლიკის პირველი მოწვევის უზენაესი საბჭოს შეწყალების კომისია, თავმჯდომარე (1990-1881)