გიორგი კაპანაძე

დაბადების ადგილი: სოფელი დიდი ჩხირაული, ჭიათურის რაიონი.

დაამთავრა ქ. ახალციხის სახელმწიფო პედაგოგიური სასწავლებელი 1947 წელს; გორის ნ. ბარათაშვილის სახელობის სახელმწიფო პედაგოგიური ინსტიტუტი გეოგრაფიის სპეციალობით 1951 წელს.

მუშაობა დაიწყო სოფელ ანის (ახალციხის რ-ნი) 8 წლიანი სკოლის გეოგრაფიის მასწავლებლად; 1951-1957წწ. იყო საქართველოს ალკკ ახალციხის რაიკომის პირველი მდივანი; 1957-1961წწ. ახალციხის რაიონული გაზეთ "წითელი დროშის" რედაქტორი; 1961-1962წწ. საქართველოს კპ ახალციხის რაიკომის მეორე მდივანი; 1962 წელს კვლავ იმავე გაზეთის რედაქტორი; 1970-1975წწ. ისევ რაიკომის მეორე მდივანი; 1975-1977წწ. საქართველოს სსრ მინისტრთა საბჭოს ბუნების დაცვის სახელმწიფო კომიტეტის ახცალციხის ზონალური ინსპექციის უფროსი; 1977-1983წწ. საქართველოს მენიცერებათა აკადეიის სამცხე-ჯავახეთის ისტორიული მუზეუმის დირექტორი; 1983-1999წწ. ახალციხის სასოფლო-სამეურნეო ტექნიკუმის დირექტორი; 1999 წლიდან თბილისის ბიზნესის სახელმწიფო ინსტიტუტის ახალციხის ფილიალის დირექტორი. გამოქვეყნებული აქვს 20 სამეცნიერო ნაშრომი. გეოგრაფიულ მეცნიერებათა კანდიდატი.

საკანდიდატო დისერტაციის თემა - "მესხეთ-ჯავახეთის სოფლის მეურნეობის გეოგრაფია", დაიცვა 1969 წელს.

წყარო: ქართველი მოგზაურები, გეოგრაფები, ბუნების მკვლევარნი: ენციკლოპედიური ცნობარი.-თბ., 2003. -გვ.141