ჯემალ კაპანაძე

დაბადების ადგილი: სოფელი ქვედა საზანო, ზესტაფონის რაიონი.

დაამთავრა თბილისის სახელმწიფო უნივერსიტეტის გეოგრაფია-გეოლოგიის ფაკულტეტის ეკონომიკური გეოგრაფიის სპეციალობა 1974 წელს.

1974-1977წწ. მუშაობდა თბილისის სახელმწიფო უნივერსიტეტის გამოყენებითი სოციოლოგიის კათედრაზე უმცროს მეცნიერ თანამშრომლად; 1977-1985წწ. საქართველოს კპ ცკ-თან არსებული საზოგადოებრივი აზრის შემსწავლელ ცენტრში რეფერენტის თანამდებობაზე, პარალელურად, 1977-1980წწ. მუშაობდა ჯერ საქართველოს საგეგმო კომიტეტთან არსებულ სახალხო მეურნეობის ეკონომიკისა და დაგეგმვის სამეცნიერო-კვლევით ინსტიტუტში უფროს ინჟინერ-ეკონომისტად, ხოლო 1981-1985წწ. საქართველოს მეცნიერებათა აკადემიის საზოგადოებრივ მეცნიერებათა დარგში - სამეცნიერო ინფორმაციის სექტორში უფროს მეცნიერ თანამშრომლად; 1985 წლიდან ვახუშტი ბაგრატიონის სახელობის გეოგრაფიის ინსტიტუტში ეკონომიკური და სოციალური გეოგრაფიის განყოფილების უფროსი მეცნიერ თანამშრომელია, 1994 წლიდან ინსტიტუტის სწავლული მდივანი. მის სადისერტაციო ნაშრომში გაანალიზებულია ბუნებრივ-გეოგრაფიული, ისტორიულ-გეოგრაფიული და სოციალურ-ეკონომიკური თავისებურებანი, თანამედროვე დემოგეგორაფიული სიტუაცია და მოსახლეობის მიგრაციული პროცესების სოციოლოგიური კვლევის შედეგები და განსახლების ძირითადი ნიშნების რეკონსტრუქციის მიმართულებები. მუშაობდა ტრანსპორტის გეოგრაფიის პრობლემებზე. გამოქვეყნებული აქვს 30-მდე სამეცნიერო ნაშრომი. გეოგრაფიულ მეცნიერებათა კანდიდატი.

საკანდიდატო დისერტაციის თემა - "საქართველოს მთიანი რაიონების დემოგეგორაფიული პრობლემები", დაიცვა 1993 წელს.

წყარო: ქართველი მოგზაურები, გეოგრაფები, ბუნების მკვლევარნი: ენციკლოპედიური ცნობარი.-თბ., 2003. -გვ.141-142