გრიგოლ კარანაძე

დაბადების ადგილი: სოფელი სამიქაო, ახლანდელი აბაშის მუნიციპალიტეტი.

1930-1938წწ. იყო საპასუხისმგებლო თანამდებობებზე სა­ქართველოს სხვადა­სხვა რაიონში; 1938-1942წწ. მუ­შა­ობ­და ყირიმის ასსრ შს სა­ხელმწიფო უშიშროების სახალხო კომისრად; 1942-1943წწ. დაღესტნის ასსრ შს სახალხო კომისრად; 1943-1952წწ. სა­ქართველოს სსრ შს სახალხო კომისრად, 1953 წელს სა­ქართველოს სსრ შს მინისტრის მო­ად­გი­ლედ და 1957-1970წწ. სა­ქართველოს სატყეო მეურნეობის სახელმწიფო კომიტეტის თავმჯდომარის მო­ადგი­ლედ; დაჯილდოებულია საბრძოლო ორდენებითა და მედლებით: შინაგან საქმეთა სახალხო კომისარიატის ნიშანი "შინსახკომის დამსახურებული მუშაკი" (04.02.1942), მიღებული აქვს 66 მედალი, მათ შორის "სევასტოპოლის დაცვისთვის", "წითელი არმიის 30 წელი", I ხარისხის პარტიზანული მედალი; დაჯილდოებული იყო აგრეთვე ბრიტანეთის იმპერიის კომანდორის ორდენით. სახელმწიფო უშიშროების გენერალ-ლეიტენანტი (1945).

წყარო: საქართველო: ენციკლოპედია: ტ. IV. -თბ., 2018. -გვ. 537; XX საუკუნის საქართველოს შინაგან საქმეთა და უშიშროების მინისტრები /თუშურაშვილი ო., ჯახუა ი. - თბ., 2013. - გვ. 63-66

• 1945 - წითელი ვარსკვლავის ორდენი
• 1945 - კუტუზოვის სახელობის ორდენი
• 1945 - წითელი დროშის ორდენი
• 1944 - სამამულო ომის ორდენი
• 1944 - წითელი დროშის ორდენი
• 1943 - წითელი დროშის ორდენი
• მედალი "გერმანიაზე გამარჯვებისთვის"
• მედალი "შრომითი მამაცობისთვის"
• ლენინის ორდენი
• მედალი "კავკასიის დაცვისთვის"