გური კვირიკაძე

დაბადების ადგილი: სოფელი დიმი, ბაღდათის რაიონი.

დაამთავრა თბილისის სახელმწიფო უნივერსიტეტის ეკონომიკური ფაკულტეტი 1935 წელს.

მუშაობა დაიწყო საშუალო სკოლაში მასწავლებლად. 1935 წლიდან თბილისის სახელმწიფო უნივერსიტეტის ეკონომიკური გეოგრაფიის კათედრის ასისტენტია; 2 წლის შემდეგ სამუშაოდ გადაჰყავთ საქართველოს გეოგრაფიულ საზოგადოებაში ეკონომიკური გეოგრაფიის განყოფილების სწავლულ მდივნად; 1938 წელს ინიშნება ქუთისის სახელმწიფო პედაგოგიურ ინსტიტუტში ეკონომიკური გეოგრაფიის კათედრის უფროს მასწავლებლად. ლექციებს კითხულობდა საქართველოსა და საბჭოთა კავშირის ეკონომიკურ და სოციალურ გეოგრაფიაში. მისი სამეცნიერო კვლევის სფეროს შეადგენდა დასავლეთ საქართველოს რეგიონული ხასიათის ეკონომიკურ-გეოგრაფიული პრობლემები, განსაკუთრებით მემინდვრეობის საკითხები. ამ მიმართულებით გამოაქვეყნა 30-მდე სამეცნიერო შრომა. გეოგრაფიულ მეცნიერებათა კანდიდატი, დოცენტი (1942).

საკანდიდატო დისერტაციის თემა - "მთიანი რაჭის ეკონომიკურ-გეოგრაფიული დახასიათება", დაიცვა 1942 წელს.

წყარო: ქართველი მოგზაურები, გეოგრაფები, ბუნების მკვლევარნი: ენციკლოპედიური ცნობარი.-თბ., 2003. -გვ.150

• მთარაჭის ალპიური მეურნეობა (ავტორი) // ქუთაისის სახ. პედინ-ტის შრომები, ტ. 6. - ქუთაისი, 1946. - გვ.367-386