ვლადიმერ კახიანი

დაბადების ადგილი: ქ. ქუთაისი.

დაამთავრა თბილისის სახელმწიფო უნივერსიტეტის სიბრძნისმეტყველების ფაკულტეტი 1930 წელს.

1931-1945წწ. მუ­შა­ობ­და მთავარ ბიბლიოგრაფად სა­ქართველოს სა­ხელმწიფო საჯარო ბიბლიოთეკაში, სადაც ხელმ­ძღვა­ნელობ­და სამეცნიერო ბიბლიოგრაფიის განყოფილებას; 1932-1938წწ. მოღვაწეობდა პირველი "ქართული საბჭოთა დიდი ენციკლოპედიის" რედაქციაში; ავტორია ბიბლიოთეკათმცოდნეობისა და თეორიული ბიბლიოგრაფიის დარგებში გამოქვეყნებული ნაშრომებისა; ვრცელი მეცნიერული ანოტაციებით გამოსცა ბიბლიოგრაფია "მსოფლიო ლიტერატურის კლასიკოსები" (1937); ავტორია ასეთივე ნაშრომისა "ქართველი მოაზროვნეები. უძველესი დროიდან 1921 წლამდე" (თანაავტ.: ნ. რეხვია­შვი­ლი, კ. კახიანი). 1941 წელს გამოქვეყნდა მის მიერ შედგენილი ანოტირებული ბიბლიოგრაფია "უცხოელები სა­ქარ­თვე­ლოს შე­სა­ხებ" («ბიბლიოგრაფიის მოამბე», N2–3). 1945-1949წწ. იყო სა­ქართველოს მეცნიერებათა აკადემიის ივ. ჯავახი­შვილის სახელობის ისტორიის ინსტიტუტის მეცნიერი მუშაკი, სადაც მოამზადა ნაშრომი "სამკურნალო წიგნის ადგილი ქარ­თული მედიცინის ისტორიაში" (1949); მონაწილეობდა "ქარ­თლის ცხოვრებისა" და ბერძნულ-ქართული დოკუმენტური ლექსიკონისათვის მასალების მოძიებაში; 1953-1956წწ. მუ­შა­ობ­და ს. ჯანაშიას სახელობის სა­ქართველოს სა­ხელმწიფო მუზეუმში, სადაც მისი თანაავტორობით დაიბეჭდა "1921-1956 წლებში მუზეუმის მიერ გამოცემული კრებულების, შრომების და სტატიების ბიბლიოგრაფია" (1957); მისი სხვა ნაშრომებიდან აღსანიშნავია თემატური ბიბლიოგრაფიები სა­ქარ­თვე­ლოს ისტორიიდან (რედ. ნ. ბერძენი­შვი­ლი). ნაშრომები: ანოტაციის საგნის საკითხისათვის, «სა­ქარ­თვე­ლოს სახელმწიფო საჯარო ბიბლიოთეკის შრომები», 1938, ტ. 4; ნარკვევ-თხრობითი ანოტაცია, «ბიბლიოგრაფიის მოამბე», 1940, N1; ბიბლიოთეკათმეცნიერების ცალკეულ დისციპლინათა, მისი საერთო სისტემის და ორგანიული წყობის საკითხისათვის, იქვე, 1941, N2–3. სამეცნიერო ბიბლიოგრაფიის ერთერთი ფუძემდებელი სა­ქარ­თვე­ლოში.

წყარო: საქართველო: ენციკლოპედია: ტ. IV. -თბ., 2018.-გვ. 599

• მსოფლიო ლიტერატურის კლასიკოსები : ქართულ ენაზე არსებული მსოფლიო ლიტერატურის ნაწარმოებთა ბიბლიოგრაფიული საძიებელი ანოტაციებით (ავტორი). - თბილისი, (საქ. კ.პ.(ბ)ც.კ. პარტგამომცემლობის სტ., 1937. - 23გვ.