მიხეილ დელბა

დაბადების ადგილი: სოფელი აძიუბჟა, ოჩამჩირის რაიონი.

დაამთავრა სოხუმის პედაგოგიური ტექნიკუმი; ნ. კრუპსკაიას სახელობის კომუნისტური აღზრდის აკადემია 1930 წელს.

1930 წლიდან ეწეოდა პედაგოგიურ საქმიანობას; 1937-1938წწ. იყო აფხაზეთის ასსრ განათლების სახალხო კომისარი; 1938-1948წწ. აფხაზეთის ასსრ უმაღლესი საბჭოს პრეზიდიუმის თავმჯდომარე და საქართველოს სსრ უმაღლესი საბჭოს პრეზიდიუმის თავმჯდომარის მოადგილე; 1948-1953წწ. აფხაზეთის ასსრ მინისტრთა საბჭოს თავმჯდომარე; არჩეული იყო სსრკ და საქართველოს სსრ პირველი და მეორე მოწვევის უმაღლესი საბჭოს დეპუტატად, 1950 წელს აირჩიეს მესამედ. იყო საქართველოს კპ (ბ) ცენტრალური კომიტეტის და საქართველოს კპ (ბ) აფხაზეთის საოლქო კომიტეტის ბიუროს წევრი. წერდა და აქვეყნებდა სამეცნიერო-პოპულარული ხასიათის წერილებს.  მიღებული აქვს სახელმწიფო ჯილდოები. სახელმწიფო და პარტიული მოღვაწე.

წყარო: ქართველ მოღვაწეთა ლექსიკონი, 1801-1952: ტ. I ა-დ / იოსებ იმედაშვილი.-თბ.,2018.-გვ.852

• სკკპ, წევრი (1938-)

• სამამულო ომის I ხარისხის ორდენი
  სამამულო ომის წლებში მთავრობის დავალებათა წარმატებით შესრულებისათვის
• შრომის წითელი დროშის ორდენი
• ლენინის ორდენი

• აფხაზთა ენისა და ისტორიის შესწავლის საკითხისათვის (ავტორი). - სოხუმი, აფხაზეთის სახელგამი (საქპოლიგრაფგამომც. სტ.), 1951. - 12გვ.
• დიმიტრი გულია (ავტორი). - თბილისი, საბჭოთა მწერლის გამ-ბა და სტ., 1949. - 65გვ.
• კოლმეურნეობა ომის დღეებში (ავტორი). - თბილისი, კომუნისტი (ლ.პ. ბერიას სახ. პოლიგრაფკომბინატი კომუნისტი), 1944. - 30გვ.