ზურაბ ლაოშვილი

დაბადების ადგილი: სოფელი სვენეთი, გორის რაიონი.

დაამთავრა თბილისის სახელმწიფო უნივერსიტეტის გეოგრაფია-გეოლოგიის ფაკულტეტი გეომორფოლოგია-გეოეკოლოგიის სპეციალობით 1990 წელს.

1988-1990წწ. მუშაობდა თბილისის სახელმწიფო უნივერსიტეტის გეომორფოლოგია-გეოეკოლოგიის კათედრაზე ლაბორანტად; 1990 წლიდან იმავე კათედრასთან ახლად დაარსებულ გეოეკოლოგიის სამეცნიერო-კვლევით ლაბორატორიაში უმცროს მეცნიერ თანამშრომლად; 1997 წლიდან - კათედრასთან არსებულ დედამიწის დისტანციური ზონდირების სასწავლო-სამეცნიერო ცენტრში მეცნიერ თანამშრომლად; 1992 წლიდან შეთავსებით მუშაობს ვახუშტი ბაგრატიონის სახელობის გეოგრაფიის ინსტიტუტის კარტოგრაფიისა და აეროკოსმოსური მეთოდების განყოფილებაში მეცნიერ თანამშრომლის თანამდებობაზე; 1996-1997წწ კი, ასევე შეთავსებით, გეოლოგიური ინსტიტუტის აეროკოსმოსური მეთოდების განყოფილებაში; 1999 წლიდან თანამშრომლობს ქართული ენციკოპედიის სამეცნიერო რედაქციასთან, როგორც კარტოგრაფი. გამოქვეყნებული აქვს სამეცნიერო ნაშრომები, 15-მდე სხვადასხვა მასშტაბის რუკა, ძირითადად რუკის ციფრული ვარიანტები. მონაწილეობა მიიღო გარემოს დაცვის სფეროში განხორციელებულ რამდენიმე პროექტში, პროექტის თანაავტორი და კოორდინატორი; 1994 წლიდან არასამთვრობო გარემოს დაცვითი ორგანიზაცია "პოსეიდონის" თანათავმჯდომარეა; 1995-1996წწ. არჩეულ იქნა საქართველოს შავი ზღვის პრობლემებზე მომუშავე საკოორდინაციო საბჭოს თვმჯდომარედ; 1998-2002წწ. იყო გეოინფორმაციული სისტემების (გის) და დისტანციური ზონდირების საკონსულტაციო ცენტრის "გეოგრაფიკის" დირექტორი. გეომორფოლოგი, გეოინფორმაციული სისტემების ტრენერი, სამხედრო გეოგრაფიულ მეცნიერებათა დოქტორი.

წყარო: ქართველი მოგზაურები, გეოგრაფები, ბუნების მკვლევარნი: ენციკლოპედიური ცნობარი.-თბ., 2003. -გვ.167

• გეოგრაფიული ინფორმაციული სისტემები (ავტორი). - 2021
• გეოგრაფია ყველასთვის (ავტორი). - თბილისი, ინტელექტი, 2016. - 264გვ.. - ISBN: 9789941458170
• გამოყენებითი კარტოგრაფიის საფუძვლები : გეოინფორმაციული სისტემების სპეციალისტებისათვის (ავტორი). - თბილისი, გეოიდი, 2011. - 106გვ. . - ISBN: 9789941037320
• დედამიწა ჩვენი პლანეტა : გეოგრაფიის დაწყებითი კურსი: მე-6 კლასი (თანაავტორი). - თბილისი, ბაკურ სულაკაურის გამ-ბა, 2003. - 195გვ.