სერგო დონაძე

დაბადების ადგილი: სოფელი უყეში, ამბროლაურის რაიონი.

დაამთავრა თბილისის სახელმწიფო უნივერსიტეტის ეკონომიკის ფაკულტეტი და მოსკოვის სავაჭრო ინსტიტუტის ასპირანტურა 1934 წელს.

1925 წლიდან მუშაობდა საქართველოს განათლების მუშაკთა კავშირის ინსტრუქტორად პიონერებთან, 1926-1927 წლებში ზედამხედველობას უწევდა სკოლა-ინტერნატის აღსაზრდელებს. 1927 წლიდან მუშაობდა საქართველოს კომპარტიის (ბ) თბილისის კომიტეტში; 26 კომისრის სახელობის პარტიის რაიონულ კომიტეტში - სააღრიცხვო-საინფორმაციო განყოფილების გამგის მოადგილედ; მოსკოვში, ლენინის სახელობის პარტრაიკომის შტატგარეშე ინსტრუქტორად. 1934 წლიდან თბილისის სახელმწიფო უნივერსიტეტიში კითხულობდა ლექციებს კურსს ვაჭრობის, ეკონომიკისა და  ფინანსური დაგეგმარების შესახებ. 1934-1937 წლებში იყო სახბანკის სამრეწველო სექტორის დირექტორი; 1937 წელს საქართველოს ვაჭრობის სახელმწიფო კომისრის მოადგილე და საგარეო ვაჭრობის რწმუნებული საქართველოში; 1938 წლიდან საქართველოს სსრ ვაჭრობის სახელმწიფო კომისარი. იმავე წელს აირჩიეს საქართველოს სსრ უმაღლესი საბჭოს დეპუტატად, შემდეგ საქართველოს კომპარტიის (ბ) ცენტრალური კომიტეტის წევრად.

წყარო: ქართველ მოღვაწეთა ლექსიკონი, 1801-1952: ტ. I ა-დ / იოსებ იმედაშვილი.-თბ.,2018.-გვ.885