მიხეილ კეკელია

დაბადების ადგილი: სოფელი ნაბაკევი, ახლანდელი სამტრედიის ­მუნიციპალიტეტი.

დაამთავრა თბილისის სახელმწიფო უნივერსიტეტის იურიდიული ფაკულტეტი 1951 წელს.

1951-1967წწ. მუ­შა­ობ­და სა­ქართველს პროკურატურის ორგანოებში სხვადა­სხვა თანამდებობაზე; 1967-1993წწ. ეწეოდა პედაგოგიურ მოღვაწეობას თბილისის სახელმწიფო უნივერსიტეტის იურიდიულ ფაკულტეტზე; 1990-1993წწ. იყო სა­ქართველოს მეცნიერებათა აკადემიის პრეზიდიუმთან არსებული ეროვნულ ტრადიციათა პრობლემების სამეცნიერო საკოორდინაციო ცენტრისა და ამ ცენტრთან მისივე თაოსნობით დაარსებული "ქართული ჩვეულებითი სამარ­თლის შემსწავლელი ლაბორატორიის" ხელმძღვანელი; 1988-1993წწ. მისი რედაქტორობით ოთხ ტომად გამოიცა სამეცნიერო კრებული "ქართული ჩვეულებითი სამართალი"; ძირითადად იკვლევდა XVIII ს. II ნახევრისა და XIX ს. I ნახევრის სა­ქართველოს სამეფო-სამთავროების სასამართლოს ორგანიზაციის, სასამართლო პროცესისა და მტკიცებულებათა საკითხებს; განსაკუთრებული წვლი­ლი აქვს შეტანილი ქართული ჩვეულებითი სამართლის ­შესწავლის საქმეში; აწყობდა საველე-ეთნოგრაფიულ ექსპედიციებს სა­ქართველოს სხვა­და­სხვა კუთხეში (სვანეთი, ხევსურეთი, თუშეთი, ფშავი, სამეგრელო, აჭარა, მესხეთი და სხვ.), რის შედეგადაც მოიპოვა უნიკა­ლური მასალა ქართული ჩვეულებითი სამართლის ცალკეულ ინსტიტუტებზე. ქარ­თული სამართლის ისტორიის მკვლევარი, იურიდიულ მეცნიერებათა დოქტორი (1975), პროფესორი (1978). 

წყარო: საქართველო: ენციკლოპედია: ტ. IV. -თბ., 2018.-გვ. 613-614

• სახელმწიფოსა და სამართლის მსოფლიო ისტორია : საზღვარგარეთის ქვეყნების სახელმწიფოსა და სამართლის ისტორია (რედაქტორი) // ტ.2. - თბილისი, ნეკერი, 2005. - 468 გვ.. - ISBN: 99940-823-6-1
• ეროვნული ტრადიციების სოციალური ფუნქცია : სამართალი, ენათშორისი ურთიერთობა (ავტორი). - თბილისი, მეცნიერება, 1989. - 56გვ.
• Древнегрузинские законодательство, суд и судебный процесс : Вторая половина XVIII - первая половина XIX в. (ავტორი). - Тбилиси, Изд-во Тбил. ун-та, 1986. - 313с.
• ეროვნულ ჩვეულებათა და ტრადიციათა ბუნებისათვის (ავტორი). - თბილისი, მეცნიერება, 1982. - 81გვ.
• სასამართლო ორგანიზაცია და პროცესი საქართველოში რუსეთთან შეერთების წინ : იმერეთის სამეფო, გურიის, სამეგრელოს, აფხაზეთისა და სვანეთის სამთავროები (ავტორი) // წ.2. - თბილისი, საბჭ. საქართველო, 1981. - 251გვ.
• სასამართლო ორგანიზაცია და პროცესი საქართველოში რუსეთთან შეერთების წინ : ქართლ-კახეთის სამეფო (ავტორი) // წ.1 . - თბილისი, საბჭ. საქართველო, 1970. - 379გვ.