ვაჟა კვალიაშვილი

დაბადების ადგილი: ქ. გორი.

დაამთავრა სა­ქართველოს სასოფლო-სამეურნეო ინსტიტუტის მევენახეობის და მეხილეობა-მებოსტნეობის ფაკულტეტი  1959 წელს.

1960-1966წწ. იყო მებაღეობის, მევენახეობისა და მეღვინეობის ინსტიტუტის ხიდისთავის (გორის რაიონი) ექსპერიმენტული ბაზის გამგე; 1966-1970წწ. - სკრის საცდელი სადგურის მევენახეობის განყოფილების გამგე; 1971-1973წწ. - გორის რაიონის მთავარი აგრონომი; 1973-1977წწ. - ამავე რაიონის აღმასკომის თავმჯდომარე; 1977-1983წწ. - კასპის რაიკომის პირველი მდივანი; 1980-1985წწ. - სა­ქართველოს უმაღლესი საბჭოს დეპუტატი; 1983-2006წწ. - სა­ქართველოს მებაღეობის, მევენახეობისა და მეღვინეობის სამეცნიერო-კვლევითი ინსტიტუტის დირექტორის მო­ადგი­ლე სამეცნიერო ნაწილში; 1985-1980 წწ. - უმაღლესი საბჭოს დეპუტატი; 1989-1991წწ. - ამავე ინსტიტუტის ციტო-გენეტიკის განყოფილების გამგე; 1990-1995წწ. - სკრის საცდელი სადგურის დირექტორი; 2004-2007წწ. - სოფლის მეურნეობის მეცნიერებათა აკადემიის მემცენარეობის განყოფილების მრავალწლიანი კულტურების სექციის თავმჯდომარე; 2006-2011წწ. მუშაობდა მებაღეობის, მევენახეობისა და მეღვინეობის სამეცნიერო-კვლევითი ინსტიტუტის ვაზისა და ხეხილის გენოფონდის კვლევისა და გენეტიკა-სელექციის განყოფილებაში მთავარ მეცნიერ თანამშრომლად; 2011-2012წწ. - სა­ქართველოს აგრარული უნივერსიტეტისა და 2017 წლიდან სოფლის მეურნეობის მეცნიერებათა აკადემიის ექსპერტი მეხილეობის დარგში. მან სელექციონერ ვ. ბესტავაშვილ­თან ერთად გამოიყვანა ატმისა (ვაჟური, მარია ჯორჯანა, წედისური – თეთრი, ყვითელი, წითელი, გორის ყვითელი და სხვ.) და ყურძნის ახალი ჯიშები. ნუგურა და ატენური ყვითელი წარმატებით ინერგება ფერმერულ მეურნეობებში; 2005-2008წწ. გამოყო ატმის 5 ახალი სახეობა: ალექსანდრეს იუბილე, ლალება, ყვითელი საკონსერვო, ალმურა, იუბილე 60, რომლებიც მაღალ­ხარისხოვან პროდუქციას იძლევიან; ყურძნის ჯიშებიდან აღსანი­შნავია ბესტავა­შვი­ლის თეთრა და გორული თეთრი. ავტორია მრავალი სამეცნიერო ნაშრომისა (აქედან 3 გამოგონებაა). მონაწილეობა აქვს მიღებული სხვადასხვა ქვეყნების სამეცნიერო  კონფერენციებში,  სამეცნიერო საგრანტო პროექტებში. მოლდავეთის საბჭოთა ენციკლოპედიის  პირველი ტომის რედკოლეგიის წევრი, გამოქვეყნებული აქვს 107 სამეცნიერო ნაშრომი და მრავალი საგაზეთო სატატია. მიღებული აქვს სა­ხელმწიფო ჯილდოები. სოფლის მეურნეობის მეცნიერებათა დოქტორი (2002), მეხილე-მევენახე, სელექციონერი. 

წყარო: საქართველო: ენციკლოპედია: ტ. IV. -თბ., 2018.-გვ. 641; საქართველოს სოფლის მეურნეობის მეცნიერებათა აკადემია: gaas.dsl.ge

• მებაღეობის საერთაშორისო სამეცნიერო საზოგადოება, წევრი (2005-)
• მოსკოვის მევენახეობისა და მეღვინეობის საერთაშორისო აკადემია, ნამდვილი წევრი (2006-)
• სა­ქართველოს ბიზნესის მეცნიერებათა აკადემია, ნამდვილი წევრი (2009-)
• სა­ქართველოს სოფლის მეურნეობის მეცნიერებათა აკადემია, ნამდვილი წევრი (2013-)
• სა­ქართველოს სოფლის მეურნეობის მეცნიერებათა აკადემია, წევრ-კორესპონდენტი (2003-)

• 2020 - გორის საპატიო მოქალაქე
• 1987 - აკადემიკოს ნ. ვავილოვის 100 წლის საიუბილეო მედალი
• 1977 - სსრკ სახალხო მეურნეობის მიღწევათა გამოფენა (ВДНХ) (ვერცხლის მედალი)
• 1974 - სსრკ სახალხო მეურნეობის მიღწევათა გამოფენა (ВДНХ) (ვერცხლის მედალი)
• 1973 - შრომის წითელი დროშის ორდენი
• 1970 - მედალი "შრომითი მამაცობისთვის"
• ივანე ჯავახიშვილის სახელობის მედალი

• ხელოვნური მუტაციების გამოყენება ხეხილოვანთა სელექციაში (ავტორი). - თბილისი, აგრო, 2021. - 52გვ.. - ISBN: 9789941839436
• ვაზი, ღვინო და ხილი ქართული (თანაავტორი). - თბილისი, აგრო, 2019. - 28გვ.. - ISBN: 9789941819568
• ატმის სელექცია საქართველოში (ავტორი). - თბილისი, აგრო, 2018. - 170გვ. . - ISBN: 9789941803680
• ხეხილის მოვლა-მოყვანის თანამედროვე ტექნოლოგიები : (აგროწესები) (თანაავტორი). - თბილისი, მერიდიანი, 2016. - 238გვ.. - ISBN: 9789941250224
• საქართველოს ხილი : თესლოვანი და კურკოვანი კულტურების ძირითადი და პერსპექტიული ჯიშების კატალოგი : გაეროს სურსათისა და სოფლის მეურნეობის ორგანიზაციის მეხილეობის დარგის რეაბილიტაციის პროექტი (რედაქტორი). - თბილისი, 2001. - 74გვ.