დავით მატკავა

დაბადების ადგილი: სოფელი სუჯუნა, აბაშის რაიონი.

1958-1966წწ. სწავლობდა ქ. მოსკოვის გეოდეზიის, აეროფოტოგადაღების და კარტოგრაფიის ინსტიტუტში.

1951-1958წწ. მუშაობდა თბილისის კარტოგრაფიულ ფაბრიკაში; 1967-1981წწ. ვახუშტი ბაგრატიონის სახელობის გეოგრაფიის ინსტიტუტში აეროფოტომეთოდების ლაბორატორიის ხელმძღვანელად; 1981 წელს გადაყვანილ იქნა საქართველოს ნაპირდაცვის გაერთიანებაში კარტოგრაფიის ლაბორატორიის ხელმძღვანელად. გარდა პრაქტიკული მუშაობისა, მას შესრულებული აქვს რიგი სამეცნიერო ანგარიშები და ნაშრომები. მათ შორის, 10-ზე მეტი სამეცნიერო ნაშრომი გამოქვეყნებული აქვს ისეთ პრესტიჟულ გამოცემებში, როგორიცა მეცნიერებათა აკადემიის მოამბე. კვლევის ძირითადი ობიექტი იყო ზღვის სანაპირო ზონისა და წყალქვეშა კანიონის მორფოლოგიური განვითარება და სანაპირო ზონის მრავალწლიური დეფორმაციის საკითხები (ინსტრუმენტული გაზომვებისა და საინფორმაციო სისტემების დამუშავება), მათი დაცვის გენერალური სქემის რეკომენდაცია. გეოდეზისტი, კარტოგრაფი.

წყარო: ქართველი მოგზაურები, გეოგრაფები, ბუნების მკვლევარნი: ენციკლოპედიური ცნობარი.-თბ., 2003. -გვ.187-188