იოსებ კვაჭაძე

დაბადების ადგილი: სოფელი ლესა, ახლანდელი ლანჩხუთის მუნიციპალიტეტი.

დაამთავრა თბილისის სახელმწიფო სამედიცინო ინსტიტუტი 1946 წელს.

1965-1971წწ. თბილისის ექიმთა დახელოვნების ინსტიტუტის პედიატრიის კა­თე­დრის დოცენტია; 1972 წლიდან განაგებდა თბილისის სახელმწიფო სამედიცინო ინსტიტუტის ჰოსპიტალური პედიატრიის კა­თედ­რას; შეისწავლიდა პე­დიატრიის ბიოქიმიურ, მორფოლოგიურ და იმუნო-გენეტიკურ სა­კითხებს, შემაერთებელი ქსოვილის სისტემური დაზიანებით მიმდინარე დაავადებათა ეტიოპათოგენეზს. ბავშვის ორგანიზმში აღმოაჩინა პარაზიტი ტოქსოპლაზმა, შექმნა ნივთიერებათა ცვლის კონსტიტუციურ მოშლილობათა და რევმატიული ჯგუფის დაავადებათა კვლევის ახა­ლი მიმართულება, შეისწავლა ნაწლავთა შეწოვის ფუნქციის დარღვევით მიმდინარე დაავადებები – მუკოვისციდოზი, ცელიაკია, ექსუდაციური ენტეროპათია, დისაქრიდული უკმარისობა, იმუნოდეფიციტის სინდრომით მიმდინარე პათოლოგიები, რევმატიზმი და სხვა. არის მრავალი სამეცნიერო შრომის, მათ შორის 10 მონოგრაფიის, 2 სახელმძღვანელოს, 11 მეთოდური რეკომენდაციის ავტორი. მიღებული აქვს სა­ხელმწიფო ჯილდოები. პედიატრი, კლინიკური გენეტიკის ერთ-ერთი ფუძემდებელი სა­ქარ­თვე­ლო­ში, მედიცინის მეცნიერებათა დოქტორი (1970), პროფესორი (1971).

წყარო: საქართველო: ენციკლოპედია: ტ. IV. -თბ., 2018.-გვ. 658; aversi.ge

• სა­ქართველოს პედიატრთა საზოგადოება, თავმჯდომარე (1988-)
• სა­ქართველოს რევმატოლოგთა საზოგადოების ბავშვთა სექცია, თავმჯდომარე (1986-)

• 1984 - სა­ქართველოს მეცნიერებათა დამსახურებული მოღვაწე

• ბავშვთა დაავადებები : სახელმძღვ. სამედ. უნ-ტის სტუდ. (თანაავტორი) // ტ.1, ნაწ.2. - თბილისი, განათლება, 1995. - 303გვ.. - ISBN: 5-505-016774
• ბავშვთა დაავადებები : სახელმძღვ. სამედ. უნ-ტის სტუდ. (თანაავტორი) // ტ.1, ნაწ.1. - თბილისი, განათლება, 1995. - 464 გვ.. - ISBN: 5-505-016774
• ზოგიერთი თანდაყოლილი და მემკვიდრეობითი დაავადება ბავშვებში (თანაავტორი). - თბილისი, საბჭ. საქართველო, 1983. - 317გვ.
• თანდაყოლილი ტოქსოპლაზმოზი (ავტორი). - თბილისი, საბჭ. საქართველო, 1968. - 247გვ.
• დისტროფიულ ჩვილ ბავშვთა კუჭის სეკრეციის ზოგიერთი თავისებურება (თანაავტორი). - თბილისი, საბჭ. საქართველო, 1963. - 180გვ.