მურმან კვინიკაძე

დაბადების ადგილი: ქ. ზესტაფონი.

დაამთავრა ყაზანის სა­ხელმწიფო უნივერსიტეტის გეოლოგიის ფაკულტეტი 1966 წელს.

1966-1968წწ. მუშაობდა იაკუტიის (რუსეთის ფედერაცია) ცენტრალურ გეოლოგიურ-აგეგმვით და საძიებო ექსპედიციაში გეოლოგად (სამუშაოები ტარდებოდა პოლარული ხაზის ჩრდილოეთით, ვერხოიანსკის მთებში); 1968-1971წწ. საქართველოს გეოლოგიური სამმართველოს ექსპედიციაში გეოლოგისა და უფროსი გეოლოგის თანამდებობებზე; 1973-1984წწ. ა. თვალჭრელიძის კავკასიის მინერალური ნედლეულის ინსტიტუტის გეოლოგიურ-მეთოდურ ექსპედიციაში, იყო პარტიის უფროსი გეოლოგი, მთავარი გეოლოგი, წამ­ყვანი მეცნიერი მუშაკი; 1985-1988წწ. ალჟირის სახალ­ხო რესპუბლიკის გეოლოგიური დეპარტამენტის უფროსი გეოლოგ-კონსულტანტია (სამუშაოები ტარდებოდა ­საჰარის უდაბნოში); 2000 წლიდან ა. თვალჭრელიძის კავკასიის მინერალური ­ნედ­ლე­უ­ლის ინსტიტუტის გეოეკოლოგიისა და გამოყენებითი გეოქიმიის სა­მეცნიერო-კვლევითი განყოფილების გამგე. მონაწილეობს საერთაშორისო და რეგიონალურ სამეცნიერო კონფერენციებსა და პროგრამებში; გამოქვეყნებული აქვს მრავალი სამეცნიერო შრომა. გეოლოგია-მინერალოგიის მეცნიერებათა დოქტორი (2006).

წყარო: საქართველო: ენციკლოპედია: ტ. IV. -თბ., 2018.-გვ. 666-667

• საქართველოს საინჟინრო აკადემია, ნამდვილი წევრი (2011-)

• 2010 - სა­ქართველოს ეროვნული პრემია (ერთობლივი გამარჯვება)
  მონოგრაფიისათვის ­"სა­ქარ­თვე­ლოს ეკო­ლოგიური უსაფრთხოების კონცეფცია" (გ. ქებურიასთან ერთად)

• საქართველოს ეკოლოგიური უსაფრთხოების კონცეფცია (თანაავტორი). - თბილისი, ინტელექტი, 2010. - 20გვ.. - ISBN: 9789941420139