გიორგი მელაძე

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის გეოგრაფია-გეოლოგიის ფაკულტეტი მხარეთმცოდნეობისა და საექსკურსიო საქმის ორგანიზაციის მეთოდიკის სპეციალობით 1982 წელს. 1990-1991წწ. სწავლობდა მ. ლომონოსოვის სახელობის სახელმწიფო უნივერსიტეტის ეკონომიკის ფაკულტეტზე, სადაც მიენიჭა დემოგრაფის სპეციალობა. 

1982-1989წწ. მუშაობდა თბილისის სახელმწიფო ისტორიულ-ეთნოგრაფიულ მუზეუმში მეცნიერ თანამშრომლის თანამდებობაზე; 1989-1992წწ. კი ეკონომიკის სამინისტროსთან არსებული სოციალურ-ეკონომიკური და რეგიონული პრობლემების ეკონომიკის სამეცნიერო-კვლევით ინსტიტუტში მეცნიერ თანამშრომლის თანამდებობაზე. 1992 წლიდან მუშაობს საქართველოს მეცნიერებათა აკადემიის დემოგრაფიისა და სოციოლოგიური კვლევის ინსტიტუტში; 2001 წლიდან არის თბილისის სახელმწიფო უნივერსიტეტის საქართველოს გეოგრაფიის კათედრის დოცენტი; გამოქვეყნებული აქვს სამეცნიერო ნაშრომები. მისი კვლევის სფეროა: გეოდემოგრაფია, საქართველოს დემოგრაფიუილ პრობლემები, მიგრაცია, ტურიზმი, სოციალური გეოგრაფია. ეკონომიკის დოქტორი, ასოცირებული პროფესორი, საქართველოს მეცნიერებათა აკადემიის დემოგრაფიისა და სოციოლოგიური კვლევის ინსტიტუტი.

საკანდიდატო დისერტაციის თემა - "თბილისის მოსახლეობის რეპროდუქციული ქცევის თავისებურებანი", დაიცვა 1994 წელს.

წყარო: ქართველი მოგზაურები, გეოგრაფები, ბუნების მკვლევარნი: ენციკლოპედიური ცნობარი.-თბ., 2003. -გვ.192; წიგნი ღირსებისა: ტ. 6/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.234

• 2001 - ღირსების მედალი

• საქალაქო აგლომერაციების ლანდშაფტური დაგეგმარების მეთოდოლოგია : თბილის-რუსთავის მაგალითზე (თანაავტორი). - თბილისი, დანი, 2017. - 286გვ.. - ISBN: 9789941099380
• საქართველო და გლობალური დემოგრაფიული პროცესები : მონოგრაფია (ავტორი). - თბილისი, უნივერსალი, 2013. - 232გვ.. - ISBN: 9789941179037
• ოჯახის კრიზისი საქართველოში და საოჯახო პოლიტიკის პრინციპები (თანაავტორი). - თბილისი, საქ. მეცნ. აკად. დემოგრაფიისა და სოციოლოგიური კვლევ. ინ-ტი, 1998. - 255გვ.
• დემოგრაფიული ვითარება საქართველოში 1997 (თანაავტორი). - თბილისი, საქ. მეცნ. აკად. დემოკრ. და სოციოლოგიური კვლ. ინ-ტი, მოსახლ. კვლევის ეროვნული ცენტრი, 1998. - 72გვ.