გიორგი ანდღულაძე

დაბადების ადგილი: ქ. თბილისი.

სწავლობდა თბილისის სახელმწიფო კონსერვატორიაში საგუნდო-სადირიჟორო განხრით, შემდგომ სწავლა განარგძო ვერდის აკადემიაში (იტალია), სადაც ასწავლიდნენ ლეგენდარული პედაგოგები: ხოსე კარერასი, კარლო ბერგონცი, რენატო ბრუზონი, ლეილა კუბერლი და ა.შ.

სიმღერა ექვსი წლის ასაკიდან დაიწყო. მღეროდა საბავშვო ანსამბლებში: "მართვე", "ბიჭები", "გვირილა"; ათი წლის ასაკში გახდა თბილისის სახელმწიფო ფილარმონიის სოლისტი; როგორც სოლო მომღერალს მსოფლიოს არაერთ საკონცერტო დარბაზში ჰქონდა გამოსვლები; მღეროდა საერთაშორისო ვარსკვლავებთან ერთად როგორებიცაა: ჯეიმს ბრაუნი, რობერტინო ლორეტი, კატია რიჩიაველი, პაატა ბურჭულაძე, რენატო ბრუსონი, კალუდი კალუდოვი, ალესანდრა მარკი და სხვ., მის რეპერტუარში შედის ტრადიციული ქართული, რუსული და ნეაპოლიტანური სიმღერები; მისმა მრავალფეროვანმა ინტერპრეტაციებმა მრავალრიცხოვანი ჯილდო და წარმატება მოუტანა საერთაშორისო კონკურსებსა და ფესტივალებში; 13 წლის ასაკში, მან მონაწილეობა მიიღო პაატა ბურჭულაძის მიერ ორგანიზებულ საერთაშორისო ოპერის ფესტივალ "ბრავოში" (1998), სადაც დაჯილდოვდა როგორც ყველაზე ახალგაზრდა მონაწილე; იყო საქართველოს პრეზიდენტის სტიპენდიანტი (1998-2001). შესრულებული აქვს შემდეგი პარტიები: ფერნანდო (ჯ. ვერდის "ტრუბადური", დირიჟორი მიკელე მარიოტი, 2011); რამფისი (ჯ. ვერდის "აიდა", დირიჟორი ანტონიო ფოგლიანი - თეატრი პარმაში, იტალია 2012); იორგი ( ჯ. ვერდის "სტიფელიო", დირიჟორი ანდრეა ბატტისტონი - თეატრი პარმაში, იტალია, 2012); გრაფი მონტერონე (ჯ. ვერდის "რიგოლეტო", ვერდის ფესტივალის დირიჟორი დანიელ ორენი - თეატრი პარმაში, იტალია 2012); ბანი (ჯ. ვერდის "რეკვიემი"(იტალია, 2013); ესკამილიო (ჟ. ბიზეს "კარმენი", დირიჟორი ივო ლიპანოვიჩი, იტალია 2014); მაჟორდომი (რ. შტრაუსის "კაპრიჩიო", დირიჟორი ჯეფრი ტეიტი, მონტე-კარლო, 2015); დულკამარი (გ. დოცინეტის "სიყვარულის სასმელი"); ბუონაფედე (ი. ჰაიდნის "მთვარის სამყარო"); უბერტო (ჯ. ბატისტა პერგოლეზის "მოახლე-ქალბატონი") და სხვ. მოღვაწეობს საზღვარგარეთ. ქართველი ოპერის მომღერალი (ბანი).

წყარო: 4u.ge; გიორგი ანდღულაძის ოფიციალური ვებგვერდი: georgeandguladze.com