ზაურ მესხია

დაბადების ადგილი: ქ. ზუგდიდი.

დაამთავრა თბილისის სახელმწიფო უნივერსიტეტის გეოგრაფია-გეოლოგიის ფაკულტეტი ჰიდროლოგიის სპეციალობით 1963 წელს.

1959 წლიდან მუშაობდა ჰიდრომეტსამსახურის სამმართველოში მექანიკოსად, შემდეგ ინჟინრად; 1969 წლიდან გადავიდა "კავჰიდროტრანსში" უფროს ინჟინრად, შემდეგ ჰიდროტექნიკის განყოფილების გამგედ; 1977 წლიდან მუშობდა საქართველოს გეოლოგიურ დეპარტამენტში უფროს გეოლოგად, შემდეგ ჰიდროგეოლოგად; 1972-1975წწ. გაიარა ასპირანტურის კურსი თბილისის სახელმწიფო უნივერსიტეტის ჰიდროლოგიის კათედრაზე. გამოქვეყნებული აქვს 10-მდე სამეცნიერო ნაშრომი, რომლებიც ძირითადად შეეხება მდინარეთა ჩამონადენის ფორმირების კონცეფციას, მის თეორიულ და პრაქტიკულ მნიშვნელობას. ტექნიკურ მეცნიერებათა კანდიდატი.

საკანდიდატო დისერტაციის თემა - "მდინარეთა ჩამონადენის გაანგარიშება იზოქრონების თეორიის ახლებური წარმოდგენის საფუძველზე (დასავლეთ საქართველოს მაგალითზე)", დაიცვა 1993 წელს.

წყარო: ქართველი მოგზაურები, გეოგრაფები, ბუნების მკვლევარნი: ენციკლოპედიური ცნობარი.-თბ., 2003. -გვ.194-195