სულიკო სეიდიშვილი

დაბადების ადგილი: ქ. ბათუმი.

დაამთავრა ბათუმის საზღვაოსნო სასწავლებელი 1965 წელს.

საზღვაო ნათლობა ნოვოროსიისკის სატანკერო ფლოტის სამმართველოს გემებზე მიიღო, სადაც თავდაპირველად მატროსად დაიწყო საქმიანობა, 1966 წელს კი ნოვოროსიისკის სანაოსნოს ტანკერ «Лебедин»-ის კაპიტნის მეოთხე თანაშემწე გახდა; 1967 წელს ბათუმში ბრუნდება და ახლად დაარსებული საქართველოს საზღვაო სანაოსნოს ტანკერ «Аксай»-ს კაპიტნის მესამე თანაშემწედ განაგრძობს ზღვაში საქმიანობას; 1967-1995 წლებში თითქმის სამი ათეული წელი ცურავდა საქართველოს საზღვაო სანაოსნოს გემებზე, პარალელურად კი დაუსწრებლად ნოვოროსიისკის უმაღლეს საზღვაო-საინჟინრო სასწავლებელში (НВИМУ) სწავლობდა, რომელიც ინჟინერ-გემთწამყვანის სპეციალობით 1985 წელს დაამთავრა და იმავე წელს შორეული ნაოსნობის კაპიტნადაც დაამტკიცეს; 1985-1995 წწ. შორეულ ნაოსნობის კაპიტანი სულიკო სეიდიშვილი საქართველოს საზღვაო სანაოსნოს არაერთი ხომალდის, ძირითადად ტანკერების: «Зугдиди»-ს ,«Аксай»-ს, «Анаклия»-ს, «Давид Гурамишвили»-ს, «Генерал Багратион»-ისა და ბალკერ «Художник Тоидзе»-ს ეკიპაჟებს მეთაურობს; 1995-1996 წწ. გამოცდილ კაპიტანს უცხოური, კერძოდ ბერძნული კომპანიის გემებზეც მოუწია მუშაობა, 1996 წლიდან კი  საქმიანობა ნაპირზე, ჯერ ბათუმის საზღვაო ნავსადგურში, მოგვიანებით კი საზღვაო საკოორდინაციო ცენტრში კაპიტან -კოორდინატორად გააგრძელა; საკუთარი მდიდარი გამოცდილების გაზიარების მიზნით, 2007 წლიდან პედაგოგიურ საქმიანობას ეწევა, 2011 წლიდან კი იგი უმაღლესი საზღვაო-საინჟინრო სასწავლებელ "ანრი"-ს ერთ-ერთი წამყვანი პედაგოგია, ემსახურება მომავალი თაობის აღზრდის, მომზადებისა და პროფესიული დაოსტატების საქმეს. შორეული ნაოსნობის კაპიტანი.

წყარო: პაატა ტაბაღუას საავტორო გვერდი: "საქართველო საზღვაო ქვეყანაა": facebook.com