სიმონ ნემანიშვილი

დაბადების ადგილი: სოფელი აბანოეთი, ამბროლაურის რაიონი.

დაამთავრა ქ. ონის პედაგოგიური ტექნიკუმი 1931 წელს; თბილისის სახელმწიფო უნივერსიტეტის გეოგრაფია-გეოლოგიის ფაკულტეტი გეოგრაფიის სპეციელობით 1939 წელს.

1931 წელს დანიშნეს ონის რაიონის სოფ. ზვარეთის არასრული საშუალო სკოლის მასწავლებლად, 1933-1934წწ. - დირექტორად; 1939-1941წწ. მუშაობდა ქ. გორის გეოგრაფიის მეთოდკაბინეტის ხელმძღვანელად; 1941-1946წწ. იყო საბჭოთა არმიაში; 1946 წელს მუშობა დაიწყო ქ. თბილისის 33-ე ქალთა საშუალო სკოლის სასწავლო ნაწილის გამგედ; 1948 წლიდან თბილისის სახელმწიფო უნივერსიტეტის გეომორფოლოგიის კათედრაზე დაიწყო მუშაობა; 1948-1952წწ. გაიარა ასპირანტურის კურსი ვახუშტი ბაგრატიონის სახელობის გეოგრაფიის ინსტიტუტში; 1956 წლიდან მუშაობას იწყებს ვახუშტი ბაგრატიონის სახელობის გეოგრაფიის ინსტიტუტში. მის სადისერტაციო ნაშრომში პირველად იქნა გაშუქებული რელიეფწარმომშობი ფაქტორების თავისებურება; გამოყოფილ იქნა ეროზიულ-დენუდაციური ზედაპირების საფეხურები და მათი გეომორფოლოგიური დახასიათება და გავრცელება. ავტორია 60-მდე სამეცნიერო ნაშრომისა, რომელთაგანაც 50 გამოქვეყნებულია. ნაშრომების უმეტესი ნაწილი ეხება მდინარეთა და ზღვიური ტერასების მეცნიერულ გამოკვლევებს. ტერასების გავრცელების ზოგადი სურათი გადმოცემულია ქვეყნის გეოლოგიური და ფიზიკურ-გეოგრაფიული პირობების გათავლისწინების ფონზე. შეიმუშავა მდინარეული ტერასების გენეტური კლასიფიკაციის ორიგინალური, ოთხწევრიანი სქემა. გეოგრაფიულ მეცნიერებათა კანდიდატი.

საკანდიდატო დისერტაციის თემა - "ახალციხის ქვაბულის აღმოსავლეთ ნაწილის გეომორფოლოგიისათვის", დაიცვა 1954 წელს.

წყარო: ქართველი მოგზაურები, გეოგრაფები, ბუნების მკვლევარნი: ენციკლოპედიური ცნობარი.-თბ., 2003. -გვ.207-208

• მთიანი ქვეყნების მდინარეული ტერასები : აღმოსავლეთ საქართველოს მაგალითზე (ავტორი). - თბილისი, მეცნიერება, 1982. - 152გვ.
• მთიანი მხარეების მდინარეული ტერასები : დასავლეთ საქართველოს მაგალითზე (ავტორი). - თბილისი, მეცნიერება, 1973. - 187გვ.