თამილა ნიკოლაიშვილი

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის გეოგრაფია-გეოლოგიის ფაკულტეტი გეომორფოლოგიის სპეციალობით 1955 წელს.

განაწილებით მუშაობა დაიწყო ავჭალის ცენტროლიტის საშუალო სკოლაში გეოგრაფიის მასწავლებლად; 1957 წლიდან თბილისის 28-ე საშუალო სკოლაში მუშაობდა, სადაც 1968 წლიდან დირექტორი და გეოგრაფიის მასწავლებელია. 1973 წელს 25-ე და 28-ე სკოლები გაერთიანდა და 25-ე საშუალო სკოლის დირექტორად დანიშნეს; 1979 წლიდან 43-ე საშუალო სკოლის დირექტორია; 1981 წლიდან მუშაობდა 116-ე საშუალო სკოლაში გეოგრაფიის მასწავლებლად. ამავე პერიოდში მუშაობდა განათლების განყოფილებაში მეთოდისტ-ორგანიზატორად; 1977-2001წწ. იყო განათლების სამინისტროსთან არსებული გეოგრაფიის მეთოდსაბჭოს თავმჯდომარის მოადგილე; 1968-1973წწ. ასპირანტურის კურსი გაიარა თბილისის სახელმწიფო უნივერსიტეტში და თბილისის პედაგოგიურ ინსტიტუტში. იქვე, გეოგრაფიის კათედრაზე სტუდენტებს უკითხავდა ლექციებს გეოგრაფიის სწავლების მეთოდიკაში; მონაწილეობდა სხვადასხვა კონფერენციებში; 1975 წლიდან საკავშირო გეოგრაფიულ საზოგადოების ყრილობების მუშაობაში მიიღო მონაწილეობა; აქტიურად იყო ჩართული სასკოლო სახელმძღვანელოების რეცენზირებაში, სტანდარტების და პროგრამების დამუშავებაში, მოსწავლეთა კონფერენციებსა და ოლიმპიადებში. გამოქვეყნებული აქვს რამდენიმე მეთოდური და სხვა ხასიათის ნაშრომი. 1973-1980წწ. იყო რაიონული მოწვევის დეპუტატი. მიღებული აქვს სახელმწიფო ჯილდოები. 2000 წელს პრეზიდენტის განკარგულებით გამოეცხადა მადლობა. გეოგრფიის მასწავლებელი.

წყარო: ქართველი მოგზაურები, გეოგრაფები, ბუნების მკვლევარნი: ენციკლოპედიური ცნობარი.-თბ., 2003. -გვ.208-209

• 1987 - შრომის ვეტერანის მედალი
• 1981 - საქართველოს დამსახურებული მასწავლებელი