გრიგოლ რუსო

დაბადების ადგილი: ქ. თბილისი.

დაამთავრა თბილისის პოლიტექნიკური ინსტიტუტის მექანიკა-მანქანათმშენებლობის ფაკულტეტი 1972 წელს და სწავლა II კურსიდან გააგრძელა თბილისის სახელმწიფო უნივერსიტეტის გეოგრაფია-გეოლოგიის ფაკულტეტზე ოკეანოლოგიის სპეციალობით, რომელიც დაამთავრა 1976 წელს.

მუშაობდა ზღვისა და მდინარეების სანაპირო ზონის მორფოდინამიკაზე: 1972-1976წწ. ბიჭვინთაში; 1976-1978წწ. ბათუმში; 1978-1981წწ. სოხუმში; 1981-1982წწ. გუდაუთაში; 1982-1985წწ. ოჩამჩირეში; 1985-2001წწ. ბათუმში; შემდეგ, აჭარის ნაპირების მონიტორინგის უფროსია. იგი სამეცნიერო მივლინებით იყო უკრაინაში, რუსეთში, თურქეთში, კუბაში (1988, 1989, 1990), იტალიაში (1991), აშშ-ში (1998). 1998-2000წწ. მსოფლიო ბანკის პროექტის "საქართველოს სანაპიროს ინტეგრირებული მართვა" მე-5 კომპონენტის მენეჯერის მოადგილეა (ფოთი, ბათუმი); 1996 წლიდან მდინარე ჭოროხზე კაშხლების მშენებლობის შესაძლო ნეგატიური გავლენის შემსწავლელი საქართველო-თურქეთის ერთობლივი ტექნიკური ჯგუფის ექსპერტია. გამოქვეყნებული აქვს სამეცნიერო ნაშრომები, რომელთა უმეტესობა საზღვარგარეთაა დაბეჭდილი. სამეცნიერო-კვლევითი სამუშაოების ანგარიშის ავტორი და თანაავტორია. ამ საკითხებზე მას დამთავრებული აქვს საკვალიფიკაციო ნაშრომი. ოკეანოლოგი.

წყარო: ქართველი მოგზაურები, გეოგრაფები, ბუნების მკვლევარნი: ენციკლოპედიური ცნობარი.-თბ., 2003. -გვ.224-225